iscanpro

我的DVDO筆記 (上集)

最近問三位網友借來兩款DVDO來玩，做了一個小小的筆記，希望可以和大家分享一下。

同時希望大家可以幫幫手，睇睇小弟的推測是否正確????

希望各位明白，小弟對電腦智識一點都不認識，有各位專家在場我個心會定D。

首先多謝A-Keung，Li On和Lee HC分別借出三架DVDO產品比小弟較飛。

難得三位唔介意我打開他們的最愛內藏來影相，這點使小弟非常感激。

A-Keung借出DVDO第一代產品 i-Scan Plus

Li On借出DVDO第二代產品 i-Scan V2

Lee HC借出DVDO第三代產品 i-Scan Pro (行貨後期升級版)

今次最主要係想知道一直以來網友的疑問，究竟 i-Scan Pro的升級，係軟件升級，定係硬件升級????

但係因為無法在借機時間上得到配合，所以未能同一時間三代DVDO一起合照，希望各位不要介意。

DVDO係一間非常出名的倍線器公司，I-Scan係這公司的名器，

小弟眼中的倍線器，只有F和DVDO這兩個牌子，DVDO的用處就係把你家中的480i訊號，變成480P訊號，

如果簡單D來講，就係等你可以把家中的，LD機，電視遊戲機( PS，DC，紅白機.........)

錄影機，攝錄機.......通通變成 progressive ，就連舊款非progressive 的DVD機，

都可以用S輸出到DVDO，而變成 progressive 畫面。

由於有三組的輸入，所以同時都係一架選擇器，選擇訊號係自動的，唔需手動，

因為那一組有訊號輸入的話，就會自動顯示出該組訊號畫面，

當然你依然可以選擇手動去選擇顯示邊一組影像訊號。

由於佢的質素和售價得到消費者的應同，所以一直好多網友都喜歡選用DVDO這個產品。

由兩款DVDO正面的版面設計，大家可以清楚睇到第一代和第三代的分別，

第一代係無得調較設定，你喜歡又好，唔喜歡都好，畫面訊號輸入了Plus內就無得再加以調較，

如果用家真係想調較的話，只好調較DVD機的設定，或顯示器上面的設定，Plus身上就無這個設備了。

而Plus唔只係無色差輸入，仲係純NTSC線，想用佢來睇埋電視節目的話，就唔可能的事了。

後來推出第三代的Pro後，Pro就針對以上的缺點，改善了以上的問題。

大家可以由Pro的正面睇到，由左至右，調較分別有五個:

( Brightless ) ( Contrest ) ( Saturation ) ( Hue ) ( Sharpness )，

其中一個名為 Saturation的設定，其實即係 Colour。

而無論第一代和第三代的DVDO，同樣係可以對應色差輸入的顯示器，或RGB輸入的顯示器，

但係這個選擇鍵的位置，第一代係放在機身的背面，而Pro就改放機身的正面。

好明顯，第一代和第三代的背面有分別，i-Scan Pro最主要係維持返三組輸入，

第一代係有兩組S端子輸入，一組RCA的Video輸入。

而第二代的就取消了其中一組S輸入，但係加返一組色差輸入，

成為一組S端子輸入，一組色差輸入和一組RCA的Video輸入。

而輸出方面，就絕無半點不同，一樣係選用VGA作為影像訊號的輸出。

i-Scan Pro在推出市場後，於技術上有所改進，但又未至於突破到可以推出新款機種，

所以DVDO的母公司Silicon Image 經過代理為購買Pro的用家免費升級。

舊的 i-Scan Pro行貨用家可自行取回代理升級，無需附任何升級費用。

i-Scan Pro的擁有者Lee HC手上的正係自行拿回代理升級的版本，過程需時約10分鐘。

現時市面上出售的行貨全新升級版I-Scan Pro，早在盒身貼上橙色 Lable!!!!所以唔需再取去代理升級咁煩。

iScan pro有升級版現在係發燒友都知，你的Pro版本唔係升級版的話，他日想在二手市場出售，

一定唔會係一個好價，你一講話要出售，全世界第一個問題，就係問你是否升級版，

第二個就係問你幾錢，所以如果你打算用一世手上的 i-Scan Pro的話，買無升級的版本都唔緊要，

因為只係你自用，你用得開心就ok啦，唔需理會其他人。

有店舖對客人話買無橙色 Lable標記的升級版，指稱早在海外升級了，但係又無法出示証明文件，

証明手上的係升級版。

對巴斯來講，這個好似有小小黃帝的新衣!!!

朋友，你知唔知我有一百億身家，

不過我放左響銀行，唔拿出來比你睇，難道你就要信我真係有一百億身家????

我知，我明白，你可能好信得過那間店舖，但係作為一個消費者，點可能佢話點就點呢????

唔通他日你出售佢話升級版的Pro到二手市場時，你又叫人家信你嗎????

自己買水貨，有問題出現，自己認命，我覺得一D問題都無，但係如果比人誤導，

而買左D唔係升級版，一生一世都以為自己手上的係升級版，後來仲比朋友笑，我就會好唔開心。

我只係提供數據比各位參考，其實我自己都無資格叫人買行貨定係水貨，

事實上，行貨和水貨的差價達$1500，我覺得各位在購買之前，搵多D資料先決定。

上兩個星期，由Lee HC手上接過 iScan pro的升級版，係上代理度升級的，

升級後的I-Scan Pro有代理發出的Lable比你貼在機身，這個Lable係他日出售到二手市場的通行証，

而且仲係升級的最佳証明。

小弟真係好彩，當日我多手影了相，猜不到今日可以用得到(見圖)。

好多網友話某些店鋪說，i-Scan Pro升級只是'軟件升級，隨時可以幫人做升級！

我可以話你知，這個店員同你講這個笑話一D都唔好笑，軟件升級????

I-Scan pro的背面只有一組 S端子輸入，一組普通色差輸入和一組Video輸入，

而output仲簡單，只有一組VGA output。

我真係想唔明，當店員話用電腦軟件升級時，佢係插入邊度呢????插入RCA的Video????

定係插入個色差????，唔好話我知係個VGA啊!!!!那個係Output，而且唔係Input呢!!!!加上仲係VGA添!!!!

軟件升級唔係用RS232的接口嗎????我的Sony 9000ES AV前級Amp，都係因為有這個接口先可升級。

就算來自美國的頂級倍線器或日本高級AV amp，都需設有RS 232插口，先可以接上軟件升級，

我就無法可以在 i-scan Pro的背面，搵到軟件升級用的RS 232接口了。

小弟無專業智識，所以經 i-Scan Pro擁有者Lee HC同意下，把蓋打開一睇，究竟係插D什麼接頭去軟件升級。

我們睇相先，一陣先再談好嗎????

小弟影晒I-Scan Pro四個唔同的角度來睇睇，希望可以睇到用什麼接頭來作軟件升級。

希望專業的網友可以幫幫小弟一眼好嗎????

圖中係I-Scan Pro的正面開蓋後相片，勞煩網友幫手睇睇有軟件升級用的接頭嗎????