迷失太空Lost in space 空軍一號Airforce One 鐵金剛之金眼睛Golden eye 太空也入樽Space Jam
第五元素The Fifth Element 星河戰隊Starship Troopers 綠里奇蹟Green Mile
昨晚睇左隻三區終極天險，飛馬出品，真係唔錯，聲畫都咁正，
Anamorphic的1.85:1畫面，畫質頂晒班!!!DD5.1的音響較果，無另小弟失望，
巴斯太太話個女角好唔靚，但係我又覺得Ok!!!但係反而個女配角就好好好正，由其係佢大頭特寫時，
雪地上白色的雪，藍色的天空，紅色的帽，配上黑色的雪地眼鏡，突出美麗的輪廓，真係好靚!!!
片中所有藍眼睛的演員，個個的藍眼都好似"遮喱"半透明，利常吸引。
好享受昨晚的畫面，畫面如果係100分滿分的話，我會比95分。
戲情方面，相對於畫質就無咁滿足，悶場都算比較多，但係一出大場面時就好開心，
巴斯太太睇得好緊張，時不時一到緊張場面，就捉實我手臂，出力咁把手甲插入我手!!!
>_☉
時不時又緊張畫面上的角色，成日大聲叫，快D走啦!!!死啦死啦!!!仲唔快D走???
如果你都想好似巴斯咁樣，想藥虐待一下你身邊的另一半，唔好遲了，
這隻三區的DVD可以幫到你!!! :P
近日所出的DVD，真係無一套埋到佢身，小弟餓左咁耐的DVD，昨晚回報返晒來。
我絕無覺得買錯這碟的感覺。
影片中趣味問題
考考大家一個問題，就係影片當中，播到Chapter7內，二分鐘時，
有錢的男奸角口腔中，有什麼唔正常的情況呢???
五粒星滿分!!
戲情:*
畫質:*****
音響:***
特別注意段落:
Chapter 1的00:01秒，一開始的外太空就經已迷人，空間感大。
Chapter 1的01:28秒，室內戰機發射倉的鐵𧈛色好有真實感。
Chapter 3的00:30及Chapter12的02:11秒，小女孩用手錶自我攝錄的畫面，面部光滑到不得了。
Chapter12的00:18秒、00:25秒、00:36秒，漆黑的外太空掛滿星星，用紫藍色的星雲作配櫬，靚到絕!
備註:
如果玩純音響的發燒友，一定要有(蔡琴老歌)這隻CD，的定律係成立的話，
咁LOST IN SPACE(迷失太空)，統絕對係家庭影院發燒友的必備之物!!!
有LOST IN SPACE(迷失太空)DVD碟，未必係發燒友，但冇此碟就一定唔係發燒友啦!!
AIR FORCE ONE(空軍一號)
戲情:***
畫質:*****
音響:*****
特別注意段落:
Chapter 6的00:01秒，恐佈份子攻佔機倉，絕對係考驗你的全套喇叭!!
Chapter12的03:30秒，恐佈份子向機上門的洗手間，一間間掃射，子彈聲音清楚地打入洗手間內，
而子彈鑃就飛回自己身邊!!!絕對係測試你後置喇叭的方向感!!!
Chapter12的02:13秒，出現不連戲的畫面(上集)，因為夏理遜福企途用KEY開門救人質時，
門未開到，反被恐佈份子發現，開槍打中左門，而左門已立刻損毀，
但到左Chapter13的00:26秒，出現不連戲的畫面(下集)，恐佈份及頭目，進入人質房時，左門居然光潔雪白。
Chapter15的00:10秒，其中一架美軍戰機，原本係護航，因接到命令，立即作空中大回旋，
戰機推進器，由遠到近，壓迫感強大無比。
備註:
此碟的畫質係非常之靚，音響一流水準，相信都唔會有人冇擁有嫁啦!!
GOLDEN EYE (鐵金剛之金眼睛)
戲情:***
畫質:****
音響:****
特別注意段落:
第一段
007拍檔被殺，佢受困在大貨倉內，敵人重重包圍，007推著手推車作擋箭牌，推動車輪所發出的聲音，
使你覺得貨倉內好有空間感，卒仔突然走火，重底音發揮效力，槍聲完畢的尾音，你會感受到擴散的較果!!!
第二段
子彈正面射出的較果，就帶出TINA
TURNER的歌聲，極盡視聽之娛!!!!
第三段
奸的女角一出場，她的出現對你(影像)器材係一大考驗，因為這場其中一個畫面，
係同一時間有三個紅色的出現，她所乘座的法拉利跑車、絲巾和手套，都係紅色，
但問題就在於這三隻紅色的質感、光暗同深淺都不同，要同一畫面出現三隻不同情度的紅，
你心愛的器材得到嗎???
戲情:*
畫質:****
音響:***
此碟係三區，點解推介三區??因為佢畫質同一區完全一樣，佢有三個語言聲音選擇，
分別係國語、粵語同英語5.1，用粵語時，聲音好正，好舒服。
字幕有三種，分別係國語(簡體)、粵語(繁體)同英語。
絕對係在家中向朋友介紹，dvd係什麼東西!!!
戲情:*
畫質:*****
音響:***
特別注意段落:
女主角在玻璃箱的誕生，軍官用鎖匙引女角，被女主角一拳打穿玻璃，擊中軍官。
這段的破綻係玻璃箱一早被工作人員介爛左。
各位如果睇唔到的話，可換器材，都睇唔到??可換線!!都係睇唔到???咁........... 換眼鏡啦!!
STARSHIP TROOPERS (星河戰隊)
戲情:**
畫質:*****
音響:***
此碟的劇情非常之受爭議，我識的網友有一半好喜歡，另一半就好討厭佢，佢地話不合情理的劇情一大堆。
但我就好喜歡，因為在我家係用(斬件式)播放比我的到訪親友，佢地有老、有少，有師奶有大學生，
各個唔同皆層的人都有，佢地都有一個共通點，只要佢係第一次睇的話，睇完片段後，必定拍案叫絕!!!!!
而畫質的確係好靚，女角我好鐘意，佢好靚呢!!!!
斬件式的片段:
大隊戰隊，第一次座登陸艇到星球上，以人海式戰術，與數以萬計的怪物相遇開戰，正到不得了。
飛機空襲大地上的怪物，爆到九彩!!!!!!
空襲過後，戰隊以地毯式搜查地面上的餘生，主角發現一又長又深山洞，立刻向內發射，
立即做成連串性的爆炸，好有快感!!!!
大怪獸出現，男角跳上背部，以機槍集中一點狂掃大怪獸，做成一大傷口，男角用手榴彈放入大傷口，
然後跳離大怪獸，手榴彈監生攔腰炸開佢，變成7成熟的大籠蝦，真係好正!!!
星球上的城堡被數以萬計怪物包圍，直情激到不得了，只要到訪親友係第一次睇的話，
必定雙膝跪地，目定口呆。
備註:
此碟絕對係追求一煞那的快感，和全觀能的直接刺激，冇需理會劇情!!!!
昨晚睇完三區的綠里奇蹟，有以下的報告:
***********戲情***********
唔錯丫，雖然唔係好緊張，但係就唔悶，你話好好睇嗎???又唔係，之前聽人講，話會睇到流眼淚，
但係我和太太都無做這個動作，套戲都幾長架，但係就唔悶。
***********畫質***********
這碟係單面雙層!!!好多大頭近鏡，好靚畫質，好可惜無美女，如果唔係一定好正!!!
***********音響較果***********
由於係戲情片，所以唔好打算有什麼較果出現，有無DD5.1都係一樣呢!!!
***********總結***********
無後悔買這隻三區DVD，唔錯的選擇，都算係一套好戲
希望有興趣的話，今個星期六，日，買返家中，過一個快樂的假期丫!!!
今日行過好多DVD店，見到個一區黑日危機價位企得好硬，
今晚洗完白白，就開機睇我等左好耐的黑日危機，我睇完之後，有以下感想:
【畫質】
一見到美高梅出品，16:9的Anamorphic，畫面一定唔差，今次都唔例外!!!正!!!
【音較】
唔錯!!!絕對合格!!!如果各網友有EX功能的話就開心好多呢!!!雖然小弟無EX，但係就咁聽DD5.1都幾好丫!!!
【戲情】
都係一貫的007電影，非睇不可就唔講得，唔悶咁啦!!!無什麼特別的驚喜!!!
係oo7的Fans都唔會買遲呢!!!我就係其中一個了
: )
【感覺】
兩位美女都係小弟的最愛，奸角【Sophie Marcea蘇菲瑪素】咁耐都仲係咁靚，真係利害!!!
另外一位小弟最喜歡，一套【星河戰隊】，嘩.....!!!靚到絕!!!
但係後來在一套【Wild Things
玩盡殺絕】之中，露左兩點，咁我就唔係咁喜歡了，
但係今次又見返佢，啊......!!!她在巴斯的心中，又再回覆返第一位了!!!
隻DVD係就係唔錯，但係又唔係好到非買不可咁呢!!!
買唔買好???想一想呢!!!我就無後悔買左，你呢???決定到未呢???
昨晚睇完特警新人類一區的DVD，作出以下報告:
音較:
果然真係DD5.1，但係5.1還5.1，環境聲，左右變化我就收晒貨，但係對白就好蒙，
槍聲和爆炸較果就真係唔能夠和荷李活片比較，槍聲唔會比你感到有威力，爆炸時無壓迫感，
雖然唔可以和一區荷李活片比較，但係都好過港產三區DVD音響了!!!
畫質:
都係真正Anamorphic，絕無半點騙欺消費者，但係和一區Anamorphic還係有一段距離，
但係當然好過好多三區DVD，但係就比唔上無Anamorphic的【風雲】，畫質來講，
對我無太大驚喜。
劇情:
劇情一般，雖然成套戲都唔悶，但係無什麼覺得緊張的地方，不過不失，但係有一點唔太方便，
就係唔好以為港產片就一定聽得明，套片用左好多外國人和日本人，
有好多時你都會聽到好重日語口音的英語，無字幕的幫助，你都幾難聽得到佢講什麼!!!
有時又講日文，有時又講純正英語，但有時又講好重口音的英語，加埋講東話添!!!變化好大，
一時之間，根本適應唔到，所以一定要開英文字幕，係!!!無錯係英文字幕，
因為根本就無中文字幕比你選擇!!!
總結:
一區飛馬廠出品，加上DD5.1和Anamorphic的DVD港產片，都值得擁有，
如果你唔係好似我咁，下下都用一區荷李活DVD來比較的話，我猜你們會睇好一點!!!
以上係我個人感覺，希望你們喜歡這片。
希望有興趣的網友能買到，祝好運!!!
昨晚睇左三區的花木蘭DVD，由成龍，陳慧琳，葛文輝配音。
這碟可以自由選擇4:3或9:16來睇，中文字幕可隱藏。
畫質好正，音較一流，就算係用配音版來欣賞，就有好滿意的DD5.1，
雖然同其他迪士尼DVD一樣，都係無 anamorphic
，但係畫質方面我都好滿意，
音較方面，當花木蘭變的成為男兒身時，配樂強而有力的低音好正!!!
雖然公仔的外型就真係唔吸引，但係色彩和背景都唔錯，
印像比較深係一開始的長城，好有立體感，另外雪山千軍萬馬的場面好有氣勢!!!
這隻DVD係小弟覺得新年期間必買的DVD之一呢!!!