我對少林足球的個人意見
小弟見到網上的朋友，大都對寰宇出品的少林足球DVD表示不滿，但係小弟就有個人的感受，
大家有否聽過一句名言，(不求與人相比，只求超越自己)，這句話對寰宇公司來講做到了，
這家公司一向不但沒有Anamorphic，而且畫質好唔穩定，由其係周星馳的作品令我又愛又恨，
好似食神咁，我好滿意，但係審死官就睇到火都泥埋!!!!
周星馳的作品，小弟非常喜歡，但係所出來的DVD碟，絕對達唔到小弟的要求，隻隻唔同較果，
寰宇公司的DVD碟，我覺得最好的係 (風雲) ，幾年後的今天，推出了佢第一隻Anamorphic DVD，
而附有DTS的較果，在我港產片的立場，真係唔錯了。
其實如果寰宇公司唔進取的話，大可以就咁做一直過的加長版，係咁椅做一個AC-3比我們咪算囉!!!!
現在功夫做多了，反而比人指指點點，如果比負責人聽到的話，一定不好受，
試問仲點會去用心做一隻優質DVD出來呢????
我個人覺得，港產DVD聲畫質素正係起步偕段，寰宇踏出了重要的一步，
Anamorphic 算係合格的一步，DTS方面，本身音響較果出來唔錯，
由其係球場開機關鎗和星仔練射紅心時右後置的重低音較果最好。
我個人非常非常滿意，我絕對唔後悔用$68買這隻DVD返屋企，這碟我睇了三次，
兩次在投影機上睇，一次用電視顯像管睇，
相信仲會睇第四次，希望寰宇公司能夠為我們發燒友做多一些優質的DVD碟。
以下係小弟去信多謝寰宇公司的信內容:
敬啟者:
你好，本人係一位影音發燒友，一直係購買一區優質DVD碟，最近得知貴公司推出的少林足球DVD碟，
首次推出Anamorphic 畫質的DVD碟，而且同時加上了AC3和DTS音響較果，於是第一時間買了返家欣賞。
出來的較果無輪係畫質和音較，都係其他港產DVD不能比較。
小弟就算放上100"三槍投影機上播放，依然可以享受到優質畫面，實在係貴公司一大進步，
雖然貴公司所推出的少林足球有一大進步，但係依然有需要改善的地方，原諒小弟大膽指出:
A: 當播放DTS音響較果時，片中前半段會發生唔對口型的情況，但係如果一直選擇AC3的話，
就唔會有同樣的事情發生。
B: 在跳Layer時的畫面時，畫面發生接近難接受的停頓較果，這點在一區碟上就比較輕微好多。
C: 當利用DVD的菜單選Chapter時，如果可以快點到達目的地的話，較果我會比較滿意一點。
希望貴公司能為我們港人爭光，進一步把做碟技術再一步提高，同時希望今後的香港猛片，
能夠得到貴公司合作，推出優質DVD，實在係我們發燒友之福。
不求與人相比，只求超越自己，寰宇公司你們做到了，
好希望快些見到貴公司下一隻優質DVD的出現。
一位支持寰宇公司的發燒友敬上
2001年9月19日