中國人的被毒過程
圖。文 :中國人
我叫中國人，從小便鍾意hifi，以前玩了十年都只係求求其其玩 av 而已，但近一年，發現了review33之後，
已經轉投玩 hi-fi 了。由於 hi-fi 實在太犯本，我又中毒太深，玩到無乜錢剩，好慘!
不過，當你放了工在家中聽聽自己鍾愛的音樂，由自己鍾愛的器材播出，那份滿足感非筆墨所能形容。
現在在此公開本人的被毒過程。
1)由於早早應承不少人，定會公開自己屋企情況，加上早排亦邀得劉翁(kelvin)到友人家親身被毒，
今日絕密相片終於大公開!!! 這是一年多前，還未真正發燒時的家，
只有一部平價天龍AVC-1530G擴音機(貪佢靚仔)，喇叭是BOSE 301AVM(貪佢好爆出名)，
DVD及CD機是PIONEER S6D(貪佢以前出LD好好)，MD是天龍DMD-1000(一樣貪佢靚仔)，
亦有用MUSICAL FIDELITY X-10D，來柔化聲音及加入膽味，好有效。
2)發現review33後，一日毒三餐，餐餐落重毒藥，務求令到自己中毒為止，未夠半年即刻領哂嘢，
在今年初至今短短時間，我竟然差不多全部機都換哂(只餘下MD…)，並真正造到「影音分家」。
你看，那時我怎能不叫自己做天龍迷呢!另外我一定要講的，是若大家想真正欣賞音樂，
我始終建議大家真係要做到影音分家! AV AMP是AVR-3801(用開1503幾滿意，對這牌子因而有了好感)，
音樂擴音機亦係天龍前後級，PRA-S10以及MONO BLOCK的POA-S10，
CD機用了CAMBRIGE AUDIO D500SE(二千蚊俾到咁靚音質，簡真超值!)，
而DVD機則換了東芝的SD5200(畫面同聲都比PIONEER好好多)。
3)而喇叭，就在暑假時買了PRO AC T2000 SIGENATURE，中高真係靚到不得了，
分析力層次又係好到不得了，音色清脆乾淨，音場定位都無問題，不過這個喇叭很難推，
而且低音量感欠奉。 上面的是專俾睇戲用，聲「林」到飛起的OTTO surround 8，
開大聲時能中和了天龍3801的惡聲。至於電視則是panasonic25"，
不過，我由於正向大畫面進發，故現在當佢無到，費事影佢俾佢上鏡。
另外我仲有個yamaha超低音(好CHEAP…)，同埋四隻後置JBL control 1X(680元一對，MON味重，
分析力高價位牌子SURE WIN)，不過都費事俾佢哋上鏡，家醜不外揚嘛……
4)線材方面，PRO AC喇叭後面我用了AUDIOQUEST的bedrock(一貫AQ線性格，中高特靚，通透)，
而OTTO則用了QED25周年銀線(16元一呎，超值)。
CD落AMP就用了雲吞河Intergation Hybrid(聲場特闊，柔聲性格不算明顯)，
而前去後就用了AQ Coral(中低夠力)，電源就得一條Apex連古河頭(都係因為令到力感增強)，
俾cd機用住先。下一步，係ZU BIRTH電源線FOR CD機。
5)拿拿拿，開始嚴重中毒，早排到友人家，佢邀得劉翁兼帶來數條靚線大比試，
友人家係用MUSICAL FIDELITY A3擴音機同CD機
A3，佢喇叭則係用KEF Q35.2。
試線開始! 訊號線先試了雲吞河102.3(上面黃色那對)，正，分析好兼中頻柔和。
電源上面就係HT pro ac 11，下面就係zu birth，其實那天仲試埋雲吞河mainstream添，
不過佢只係在鏡頭下面出現少少。
左試右試之後，發覺birth在cd上效果出眾，分析力有所增加，而pro
ac 11則係啱落amp，
因為令amp力水好一點，而較上述兩條線貴成倍幾的mainstream，用在amp上時正過pro ac11，
唔單止力水好，層次同分析力，連個背景都靜過人，但mainstream用落cd度，就同birth打成平手，
證明birth真係抵買，我可以講mainstream就更好，但係太貴了…
大家都睇到，友人都係用qed25周年銀線架!
6)友人亦甚好人，肯借佢部A3俾我試，點知唔試尤至可，一試先知MF的聲底都好好聽，
不過，A3的85W(8歐姆)推T2000S，實在是太吃力了，連我一百呎房仔都聽到佢腳軟，
不過鍾意MF聲這點卻是肯定。
……就係因為呢一毒，我就在稍後時間，買了power大成倍的A300!!!!!
7)於是，我要同伴我走過不少路的天龍前後級講再見，家中換來一位性格截然不同的新成員。
部機剛買了不久，我相信未完煲機。我覺得，同我以前部天龍s10一前二後比較，
差了高低頻動態力水，低頻亦有點不及天龍的力感澎澎聲，甚至乎detail都係天龍勝出。
不過…A300的人聲真係以十倍以上勝出，由於中頻做得好，高頻亦十分自然，音色出來係好甜好圓，
音樂感亦好好多，完全啱我feel。對比起天龍的硬，A300真係襟聽好多。
我諗我老了，想聽得舒服一點。 至於力水方面，我覺得而家A300都夠力推，不比天龍差。
完!
§ 返回巴斯主網頁 § 返回麥嘜的討論區 § 返回小強新聞組 § 返回Review 33 §