2001年9月5日

昨日行經鴨寮街，見到一間夜冷店有好多二手電子野賣，數碼相機，Printer，Walkman........

我入到最盡頭時，見到一批合共為數有10架咁上下的三菱 17" Diamond膽 VGA或 5BNC輸入的Mon出售，

但係架架的外殼都有小小花，當時件件操作正常，任你試到滿意先買，

我猜可能係外殼花了的關係，所以先賣咁平，但係無盒，無電源線跟，無保養，賣幾錢????

每架$680，我選擇了其中一架，右手面花了小小的一架。

晚上和朋友談天時，朋友話早兩日仲有一架外殼右下角爆了的一架，Display正常，只售$380。

但我昨日去到，唔見有，可能出售了。

自我買入了HD錄影機之後，我一直都好想好似亨利五世一樣咁，有一架5BNC輸入的Mon，

但係這款機需要$5-6000一架，咁富貴的產品我點會買呢????

加上我家中根本只有一個Notebook和一個只有640X480的Tau電視，無得在顯像管欣賞HD。

雖然朋友一日掛在口邊話用mon睇HD如何如何靚，但係咁鬼貴點買播!!!!

雖然你們一定會話求求其其買個Topcon用VGA入咪一樣????

但係D前輩話唔係隻隻mon都可以夾得到HD，求求其其買架的話，分分鐘睇唔到HD的。

再加上由HD錄影機輸出後，必需經過三菱 2001後，把HD色差訊號轉為RGB訊號，先可睇到。

HD錄影機直插Mon係唔可能睇到HD畫面的。

我仲未有時間試手上這個Mon能否睇到HD，不過睇唔到都唔緊要，$680買一個三菱 17" Diamond，

你話過我知，你仲想點呢????

以下就係我影左個位置比你們睇，有興趣的話，來睇睇賣晒未丫????但係後果自負播!!!!

圖中就係佢的門口位置。

我的右手面就係店舖的正面，而相中正面的係西九龍廣場。

即係由西九龍廣場果邊街口入鴨寮街的話，會好快見到這間夜冷店。

搬到出街上都忍唔住手影返張相先!!!!

行經得發地庫的山本店，見到最左手面的電話好型仔，影來比你們睇睇。

完