二手DVD碟的故事
昨日聽一位老友講一個有關二手碟的故事,想和大家分享一下,
話說我這位朋友,早兩日經過信和其中一間出售二手碟的店舖時,見到一位客人急急跑回來,
好緊張咁問老闆,有關佢剛剛在店內買了一隻二手DVD碟,上了巴士後先打開盒欣賞時,
發現這隻DVD只有一個盒,沒有DVD碟在盒內,佢立即跳返落車,回頭來這店舖,好客氣地問老闆,
何解隻碟唔見了,只得一個盒????
老闆第一時間就話無理由無碟,佢收碟時候隻隻驗,驗完就入膠袋,點會唔見碟丫???
反問客人是否自己跌左????定是比人偷左????
客人當然話無啦!!!!睇佢真係慘,明明係唔見左隻碟,老闆又幫唔到佢,
店內的人都望住這位客人,一時間,這位客人都唔知點算做好,走又唔係,唔走又唔係。
突然間,事情有了180度的轉變,什麼轉變????明日話你知..........
喂喂喂!!!!我講下笑姐,唔需鬧我呢。我講!!!!我講!!!!唔好嬲。
老闆突然之間收聲,面色一變,一手按落架DVD機的Open鍵,轉盤伸出來的,正是這隻DVD碟,
原來早前有位客人試完隻碟唔買,老闆沒有把佢取出,隻碟一直留在轉盤內,
受害人沒有驗碟,老闆又唔記得了這件事,所以就發生今次這個問題了。
睇完這個故事,大家以後買二手DVD時應該知道點做呢。
完
§§ 返回巴斯主網頁 §
§
返回麥嘜的討論區 §
§返回小強新聞組 §
§返回Review
33 §
§