家訪 A-Keung 的器材
圖: A-Keung
文 : 巴斯光年
今次家訪的對像係小弟的好友，佢叫做A-Keung，平時我們會叫佢做亞強，
A-Keung玩AV器材的時間比小弟仲早，但係就一直一個人玩，
當時他身邊的親友當中，最叻就係佢，最專家的又係佢，所以A-Keung玩得好開心，
他一直都以為自己的器材最好，
直到上網後，認識左小弟，他的世界就開始有所變動了。
當年我和A-Keung交談了幾封電郵後，知到了A-Keung原來係一位LCD投影機的用家，
當年佢剛剛買入了Sony 500QM LCD投影機幾個月，播放緊 84"畫面，
以下係A-Keung在我剛剛認識佢的年代所用器材，歷史照好珍貴架!!!!
特別鳴謝亞強提供歷史照片!!!!
當日器材名單
LD機--PIONEER CLD-R4N DVD機--SONY DVP-S7000
字幕機--奇辰DL-9
AV擴音--YAMAHA AVX-1000DSP
投射機--SONY VPL-V500QM
DDE及HDCD解碼--Audio Alchemy DDE V3.0
Video Equalizer--Viscom VSS7000II
電源慮波--古河PRO.168
投射幕 DA-LITE MODEL B
MD機--PIONEER MJ-D7
主音--JBL 4206
中置及前置S--JBL FLX2
後置--Celestion Little 1
重低音--YAMAHA YST-SW40
A-Keung係和父母哥哥姐姐一起住的，他們唔準投影機放頭頂，其實又好難怪，
試問好人好者，又點會容許家中有件電器，掛在半空中的呢????
所以A-Keung平日就只好把投影機連紙箱一起放在椅下面，而每次睇投影機，
就需由椅的底部，抽出個SONY VPL-V500QM出來，放在椅上面，再用返個箱乘高架機，
然後加上一件木板，對返正焦點，就投放 84" 4:3的畫面了。
大家是否覺得好煩呢????但係對熟能生巧的A-Keung來講，一D問題都無。
圖中所見，就係投影的位置了，明顯係沒有皇帝位了，
A-Keung只好屈就座皇后位，或太監位了。
一個家庭又點會小左電視機呢樣電器產品呢????平日，屋企人就係睇這個電視機，
有時A-Keung唔方便用投影機時，同樣都會使用這個電視機來睇戲的。
大家有否留意A-Keung對個超低係幾咁愛錫佢，居然有椅座的呢 :D
其實係好有用架，因為平時家人會踢到個超低音的，所以就要升高個超低音，唔好比家人踢親佢。
由於前置喇叭係防磁的設計，所以就貼近電視放都無問題。
平時個幕就用兩條鐵鏈吊到合適的高度位置，但係如果日頭睇的話，
由於沒有窗簾的關係，窗最上面就會嚴重漏光，極度影響畫面質素。
個人覺得兩條鐵鏈好有SM的感覺。 ;D
當有需要用投影機時，就會拉個好巢的 DA-LITE 幕下來睇，大家睇睇佢果幕真係需要拉拉面皮先用得。
拉完個幕落來，仲要拖個茶几在器材的中間，作用係用來放中置喇叭，
前置左右兩個喇就分別放在兩極了，超低使用時，就放返落地下。
個超低會間唔中心情唔靚，會發出胡胡聲，不過A-Keung只需大力拍打佢，咁就會回覆正常。
所以每次睇投影機的話，就需要完成以上的動作了。
回想起剛剛識到A-Keung後，只見一次面，剛好圍內有一個二百萬器材Party。
咁我就順便約埋A-Keung一起去這個Party，多D朋友一起，熱鬧D啊，A-Keung在這一日前，
係未睇過三槍機的，只係一直聽人講好靚，但係靚成點????唔知了!!!!
在座咁多位，都見過這個200萬器材網友，所用的投影機，
係市值四十幾萬的Vidikron的頂級型號Vision One，
配合埋頂級倍線器Faroudja的DVP-3000。
嘩!!!!A-Keung一生人第一次睇三槍機，就係見到這個咁震驚的畫面，我們圍內的網友都見慣大場面，
但係都無不目定口呆，你話小小的A-Keung，佢仲唔死呀????
當晚A-Keung先發覺原來以前佢睇的畫面係無黑色的，通通都係灰色或啡色的圖像，
色彩和佢眼前的三槍機比較，根本係兩回事。
Party過後，A-Keung全晚都無法入睡，半夜三更起身，意圖及企圖，利用手上的Viscom，
把Sony 500QM的黑色重現，顏色豐富一點，但係大家都知唔可能的，
最後A-Keung當然好唔開心，因為頂級優質畫面己印入佢腦海中了，
當A-Keung知道佢係無法改善畫面後，佢足足一個星期無開機睇了。
A-Keung腦海中開始打算買三槍機，但係家人同住，一定反對安裝咁大架的投影機。
最後只好放棄了這個計劃了。
日子一日一日咁過去，A-Keung終於等到了一個黃金機會了，
A-Keung的家人打算搬離這個單位，A-Keung就決定買了這個單位，打算重新裝修過這個屬於佢的家，
當然一連串的發燒房大計就推出了，A-Keung打開銀行薄仔計一計，
最後完成了他多年的心願，現在和大家一起分享他的成果。
A-Keung動用了手上的積蓄，把全屋的電線，喑線位，地板 天花 牆身，通通翻新，
仲一口氣買入，幾款全新器材，包括Yamaha DSP AX-1，Energe超低音，Sony G70三槍投影機。
當日小弟在佢完成到大半的時候，去家訪過佢一次，影下了這個半完成的相片和大家分享一下。
圖中的G70入門時候，只係放在臺面上，因為A-Keung自己唔喜歡Sony廠的原裝天花架，
所以為Sony G70做了一個專用路軌天花架，但係當日未有時間裝上，這圖係安裝前的位置。
今日器材名單
LD機--PIONEER HLD-X9
DVD機--SONY DVP-S7000
DVD機--SKYWORTH DVD-1050P
倍線器--iSCAN-PLUS V1
字幕機--力巨DV-200
字幕機--奇辰DL-9
AV擴音--YAMAHA DSP-AX1
三槍投射機--SONY G70 CRT
LCD投射機--SONY VPL-V500QM
DDE及HDCD解碼--Audio Alchemy DDE V3.0
電源慮波--古河PRO.168
英國環牛220V轉100V火牛
投射幕--STEWART 84" 4:3電幕
MD機--PIONEER MJ-D7
主音--JBL 4206
中置及前置S--JBL FLX2
後置--Celestion Little 1
重低音--ENERGY e:XL-S10
第1部 PCDVD
底板--Tekram S3815-ANE (S370)
CPU--INTEL PIII 700 MHZ RAM---NEC 128 MB PC-100 (X1)
VGA卡--Hercules GeForce 2 MX (利安借出o既摩過版本)
DVD-ROM--Panasonic X8 HD--IBM ATA-100 30G
音效卡--Sound Blaster Live Value 2 TV Tune卡--PCTV Rave
火牛--Enermax EG351P-VE330W
第2部 PCDVD
底板: Asus CUSL2-C
CPU: INTEL PIII 1G MHZ
RAM: NEC 256 MB PC-133 (X1)
DVD-ROM : Pioneer 12X
VGA卡 : ATI Radeon LE 32md ddr
HD: IBM ATA-100 30G
音效卡: Sound Blaster Live Value 2
TV Tune卡: PCTV Rave
火牛: Enermax EG351P-VE330W
A-Keung好唔喜歡原廠投影機的機架，雖然收到機，但係都無畫面睇住，
因為佢需要自己安裝投影機，所以自己動手做了一個活動式的路軌。
好處係當安裝後之後，發覺有唔滿意的地方，仲可以把投影機前後移動，
搵到一個最佳位置，事實上這個設計，深得小弟的讚賞，
小弟家中投影機的機架，同樣都係這個設計。
Sony G70投影機的重量達180多磅，掛在頭頂位置，如果所用的支架物料無返咁上下，
他日出意外的機會就會好大，所以A-Keung在選料上面，一點都唔會馬虎，
圖中的四隻滑輪，每隻可承受的重量達100磅的接力，加上自制的支架落足料，所以絕對安全。
A-Keung的設計，唔單只可以前後滑行，仲可以上下調較三槍機的高度和角度，
當調較達至最完美的角度和位置，然後就鎖死滑輪，非常活動性。
小弟再一次多謝A-Keung幫小弟做這個咁合心意的機架。
A-Keung完成了天花架後，就把Sony G70安裝到天花上。
但係好可惜，A-Keung發覺高級三槍的超靚畫面，投放到一個又巢又舊的幕上面，實在難接受。
大家試想想，暗瘡生在豬扒的面上，當然問題不大喇，但係同一粒暗瘡生在李嘉欣面上，
就唔同咁講法了!!!!
而且大家是否有留意，個幕的位置無法覆蓋全個窗戶，做成唔係咁美觀的較果。
所以，A-Keung又再打開佢的紅薄仔，唉.....今次打開的時候，好明顯紅薄仔所發出的光芒，
比之前暗左好多。
但係A-Keung依然忍痛再買入Stewart 84" 4:3電幕。
我個人覺得A-Keung的決定係正確的，大家唔好以為Stewart係名牌咁簡單，
大家留意一下個幕的左右兩邊，其實係條"威也"，作用係登直個幕，使佢長期處於挺直的狀態。
試問一塊咁大的布，唔係因為左右兩邊有"威也"的幫助，點可以長期挺直呢????
加上Sony G70三槍投影機的畫質咁靚，點可能用一個平價質料的幕來重播畫面呢????
大家見到這個Stewart 84" 4:3電幕，降下來之後，剛剛好把全個窗封晒位，你就知物有所值了。
平時唔用的時候，你可以見到和窗邊的視覺距離都係好滿意的較果。
有了靚畫面，軟件當然就會一日比一日加多，A-Keung的軟件，就係放在這個窗台位置。
大家見到眼前這個柜，以前就係A-Keung的床，今日自己可以擁有屬於自己的睡房，唔需做廳長了，
所以這個床位就變成了訂做的柜，用來放A-Keung的漫畫書，LD碟...........等等。
A-Keung一直都有買中文版的HI-VI雜誌，每個月推出就買，係發燒用的退燒藥，
需定期服用，所以日子有功，存有一定的數量，
但係好可惜，A-Keung在 37期之前就無法搵到，所以如果有邊位網友唔要的話，
記得通知一聲A-Keung，佢一定會好開心的呢!!!!
圖中左手面的係咁多期A-Keung擁有的中文版Hi-Vi雜誌。
而右手邊的就係咁耐以來珍藏的LD碟了。
一陣間會和大家分享一下佢的珍藏名單。
由於位置的問題，中置到了今天，終放都可以唔需一日搬來搬去了，就放在電視的頂部，
而電視機就放在地上面。
由於係防磁的關係，所以超低可以放在電視的附近都唔會使電視出現問題。
一直以來，A-Keung沒有皇帝位的，今日佢可以有返自己的帝位了，而且仲座得好開心的呢!!!!
而器材仲貼身咁擺放添!!!!連搖按都唔需用呢!!!!好方便架!!!!
皇帝位的上空，正係子母機的位置，最頂的當然係Sony G-70三槍投影機，而在她的保護下，
Sony 500QM LCD投影機可以得到一個好安全的固定位置了，唔再需要好似往日睡在椅下面了。
現在500QM LCD投影機的工作，最主要係為主人配合DC遊戲機作打機之用。
由這個角度睇到倆母子的形態是否聯想到海中的鯊魚母子呢????
這個就係A-Keung的最愛，Pioneer HLD-X9 LD機，A-Keung熱愛LD，珍藏了唔小的LD碟，
為了得到一個好好的較果，Pioneer HLD-X9 LD機係佢的必然選擇。
這個當然唔需詳細介紹，正係Sony S7000 DVD機了，直到今日，A-Keung依然滿意佢所重播出來的畫面。
Progressive 的出現，A-Keung又點會錯過這個技術呢????
A-Keung家中有兩款 progressive 畫面選擇。
第一款係利用Sony S7000的S端子接到I-Scan Plus倍線器之後，變成480 progressive 到G70三槍投影機。
第二款係利用Skyworth 1050p的VGA 480 progressive 到G70 三槍投影機。
A-Keung最喜歡第一款，畫面出來的較果比較清色，
但係可惜係S7000沒有DTS的功能，加上不能讀取PAL線DVD碟，
所以有以上的碟出現時，A-Keung就會用1050p了。
雖然A-Keung擁有PCDVD，但係佢今日只用操作比較方便，
畫面質素好過PCDVD的Skyworth 1050pDVD機或S7000+I-Scan Plus。
PCDVD????無用好耐了。
正如先前所提到，A-Keung係一位LD發燒友，所以一早擁有一架LD字幕機。
後來DVD碟技術一日比一日好，A-Keung多了一定數量的DVD碟了，
DVD字幕，就交比DVD字幕機了。
A-Keung好滿意力巨DV 200所重播出來的較果，雖然投放 84" 大畫面，但係都沒有絲毫影響畫質。
電源方面A-Keung都唔會睇小佢，用上了古河和英國環牛。
Sony S7000平日唔只係擔任DVD機的角色，仲會係一架CD機的主角，
A-Keung買來了Alchemy 3.0的解碼，使S7000有這一步的音色上的提升。
大家是否記得有音響雜誌的主篇，曾經點名說S7000的CD部份，比美萬元級的Cd嗎????
A-Keung當然開心聽到這類說話啦!!!! ;D
和其他Yamaha用家一樣，A-keung好喜歡AX1的較果。
這款就係A-Keung的MD機，平日喜歡把心愛的歌，輯錄成一盒MD帶。
大家可以由這個角度睇到暗線就係由這個出口出返來比投影機用，
而路軌式的設計，係A-Keung的心思，現在仲有一段位置先到達後牆，散熱方面一點都唔係問題。
這個就係A-Keung的後置喇叭，同樣都係在裝修期間，做成暗線位。
這個就係A-Keung的前置喇叭，下面的腳架，係A-Keung自己做的，非常美觀，
唔話你知，你仲以為係名廠出。
無他，因為A-Keung花了好多時間去做。
由圖中可見到，中置的位置正好係幕的底部，唔會對畫面做成不便。
而且A-Keung仲利用一塊木來調較中置的角度，使對白能發揮得比較好。
千萬唔好睇小這款超低音，佢能影響到遠至睡房的鋁窗框震動!!!!
平時配合畫面做出地動山搖的感覺。
A-Keung非常熱愛他的軟件，佢把每一個軟件都登記入電腦，以下就係佢擁有的軟件數量，
大家可以按下面的鍵，就可睇到資料。
各位留意，當你到步後，亞強的資料係有幾頁的，你用Mouse按最下面的Index，
如果係DVD的話，有分一區二區三區........
而LD就有分美版港產片日版............
唔好睇漏啊!!!!
A-Keung的G70畫面，配合埋S7000+ I-Scan Plus的畫面，真係非常美!!!!
A-Keung當中都不知花了多小個夜晚調較的心血。
我好喜歡A-Keung家中的畫面，絕對係可連參考級的畫面。
完