Panasonic PT-AE100

LCD投影機

圖。文 : 巴斯光年

今日非常開心，約了位於中環的影音顧問去試這款Panasonic PT-AE100 LCD投影機，

早前在電話裏答應容許小弟帶同Skyworth 1050p progressive DVD機去作測試，

今日去到有位Peko小姐招呼小弟，

Peko小姐非常有禮貌，我表明來意後，她開始介紹這款機的使用方法和功能。

這款LCD機有四組影像輸入，分別係圖中左手面第一組S或Video輸入連聲音輸入，

第二組VGA連聲音輸入，

第三組色差連聲音輸入(同對應 progressive)

電壓方面 100v- 240v都無問題。

當日同侍接上了三組輸入，當運作時，機身的風扇聲音極之細聲，

絕唔會影到用家享受畫面和音較。

我問現在係用什麼DVD機播放畫面，原來Peko小姐話，我眼前的畫面，正係以圖中所見，

東芝 SD-900E DVD機，經I-Scan pro所播放出來的畫面。

小弟平日好小睇LCD畫面，由其係經調較好，而且係黑暗燈光下的LCD畫面，

我覺得畫面唔錯，但係東芝900 DVD機和I-Scan pro的身價，分分鐘貴過眼前的Panasonic PT-AE100 LCD。

所以我提意Peko小姐，能否容許我直接咁把我帶來的 progressive DVD機接上???

Peko小姐好有笑容地一口答應，於是Peko小姐又開燈又接線，忙個不停。

在場的正係Stewart 90" 16:9灰幕，屬0.95G的種類。

Peko小姐為小弟把1050p的色差progressive輸出，接到PT-AE100的progressive色差輸入接口上面，

出來的畫面有唔錯的表現，可能係我小睇LCD機的關係，我覺得今日的LCD機技術大有進步。

接下來又得到Peko小姐的幫手，把1050p的 VGA progressive輸出，

接到PT-AE100的VGA progressive輸入接口上面，

由於兩機唔係好夾的關係，畫面無用色差接上較果好，我最後都選擇了以色差輸入。

機身上的簡單快速鍵，方便用家使用。

當然，梯形較正和input的輸入鍵功能都唔會小的。

由於這款Panasonic PT-AE100，係16:9畫面設計，所以大部份用家都會用返16:9幕去用，

當大家以16:9軟件播放時，當然會好開心，全個幕填滿畫面。

但係需知到，好多軟件都仲係以4:3畫面播放的，由其係好多朋友仲會用來睇電視或者打機，

在這個情況下，在一個16:9幕當中，

投放4:3畫面出來時，左右就會有黑邊出現，使用家睇得唔開心。

圖中可見，我放了一隻4:3畫面的DVD碟去播放時，以Panasonic PT-AE100的4:3功能模式播放，

大家可以見到左右有黑邊，用家會用得唔開心，有小小心態想寫返一對對聯上去的感覺!!!

唔想咁樣的話，有什麼解決方法呢???

Panasonic PT-AE100的4:3功能模式

　

如果你按鍵去選擇返原本的16:9模式的話，由於原本的軟件係 4:3 的畫面，

你用16:9 功能模式的話，需然左右的黑邊空位填滿返，唔再有黑邊，

但全個畫面就會比這個功能壓扁了，比較用4:3模式仲差。

圖中可見，四位美女唔單只比你攪到肥晒，原本向上的咀角，都比你攪到笑唔出了!!!

由其係圖中最下面的一位 Hiro，大家有否留意她的咀，最唔開心是她!!!

你忍心見到她這樣子嗎???面對這個難題，又唔想畫面變形，又唔想左右有黑邊，用家如何是好呢???

Panasonic PT-AE100內的16:9功能模式

現在再按Panasonic PT-AE100內的 Just 功能模式 ，

睇睇有何變化???

出來的較果和使用16:9的模式差不多，同樣係比返晒所有畫面你，但係就壓扁了，

但壓扁的幅度沒有使用16:9模式咁扁，但係都唔係好理想。

Panasonic PT-AE100內的 Just 功能模式

　

這個時候，你可以撰擇使用Panasonic PT-AE100的 Zoom 功能模式，

大家見到當使用Zoom模式時，圖中的畫面，左右係沒有黑邊，但又唔會使畫面變形，

代價係最上面和最下面需Cut去部份畫面。

PanasonicPT-AE100的 Zoom 功能模式

大家可以由以下四張實地影片當中，見到4:3畫面選擇用四款唔同模式的畫面變化。

朋友，每張相片的右上角有顯示眼前的功能模式，

你又喜歡用那一個模式在16:9投影幕來睇 4:3的軟件呢???

小弟喜歡用Zoom功能，起碼可以騙自己，畫面大左囉!!!

我喜歡係用Zoom模式時，畫面沒變形而可填滿16:9投影幕。

係就係Cut去部份畫面，但我喜歡。

由於可以在16:9幕內播全螢幕4:3的畫面，所以我自己就會選擇使用16:9幕了。

用家如果選擇唔同的輸入，在畫面調較的範圍係有所不同。

由圖中兩個功能表內，大家可以睇到兩者有什麼分別。

左手面的係當經由色差輸入的功能表，而右手面係經由RGB的輸入。

色差                                                   RGB
  使用色差輸入的話，用家可以選擇調較Color和Tint     使用RGB輸入的話，用家可以選擇獨立調較R.G.B的白平行衡

了解左PT-AE100的運作之後，我用了幾隻喜歡的DVD碟作測試，

測試黑位方面，以美版 U-571 的黑位畫面表現，當然唔可能和三槍投影機作比較，

畫面以售價萬多元來講，入門級的表現真係唔錯。

搖控方面，非常小巧，大家由八達通的比較，可以見到搖控係幾咁細小。

圖中最下面的正係當日播放的數碼高解像Victor錄影機。

由於LCD機一向比三槍機Sharp的關係，播放高解像畫面時，畫面上的日文字，Sharp得像介刀一樣。

當然，在小弟低能數碼相機的解像度下，又如何重現這個較果出來呢???

有興趣的朋友，唔好單單睇小弟的單方面意見，陳列室每天等緊各位去親眼評價她的畫面，

我覺得好，你覺得差，我覺得差，你又有可能覺得好好，講到天光都唔會有答案，

陳列室唔需入場費，只要你肯去，答案就由你自己去睇。

陳列室地址: 中環雲咸街34號世界商業大廈一樓 影音顧問

陳列室電話 : 2581 2928

星期一至星期六 9:30AM - 7:00PM

§§ 返回巴斯主網頁 §§ 返回麥嘜的討論區 §§返回小強新聞組 §§返回Review 33 §§