737改機篇
各位你們好，小弟早排改裝了737DVD機的橫向8字頭，
一直無時間貼上來和大家分享，今日終於有時間，所以希望你們喜歡丫，
但係首先講明，我絕唔係專家，我由細到大，從未讀過有關電子的課程，
我之所以貼出來，係和你們分享過程，是否比各位有小小娛樂，打發一下時間之用，
各網友萬萬不要照做，這份係日記，唔係天書，只係話比朋友你們知，我有件咁樣的事發生，
改機根本就唔正確，由開第一粒羅絲開始，一年行貨保用，立即自動取消，萬一接錯線的話，
機毀人亡，非常非常危險，所以萬萬不能照做!!!
小弟白痴，你們唔好有樣學樣，OK!!!
貼出來，只係想和你們分享樂趣，內容唔係教你們改機，
我只係初哥，亂咁攪，只想分享樂趣。
小心!!!!!!
拿，呢個就係737未改電源接頭前的相片。
就係因為柯楠兄的圖片，另到小弟有信心自己改IEC頭。
大家可以睇睇背面有好大的空間走，萬一失手的話，都唔會損到電路板或電線。
在這裏萬分多謝柯楠兄當日的平面相片。
唔好講咁多，開工!!!
首先搵左把界刀，分別咁介開兩 條熱縮膠。
除去兩條電源線後，把個橫向 8 字頭取出，咁就會留下一個洞。
接下來就係拿出IEC電源頭來，利用卡尺來量度正確的Size。
鎖好卡尺後，利用卡尺的尖位，做一個IEC頭的面積記號。
由於有D位比較多，所以搵來一把鑽，鑽開一排孔，咁就唔需挫得咁吃力。
接下來就係再用挫執返直佢。
開工過程中，當然唔可以比D金钃碎片，跌落電路版內，否則就大件事，所以搵D紙來阻隔一下。
鑽完挫完後，就用吸塵機，把金钃粉未吸走，一粒不留。
安上IEC頭到機身上，再用尖的工具劃個記號，記號劃好後，就打算鑽孔打窩釘。
左一粒，右一粒，打完窩釘後，IEC就好實淨咁改好在737的機身上面。
出事!!!頂頂頂頂頂!!!原來我............XYZ!!!一架機就咁就化為烏有，只有唔要!!!
哈哈哈.......小弟只係和各位開下玩笑，老實講，朋友你居然睇到第十四張相，仲唔訓著真係好比面，
所以嚇一嚇大家咁姐，唔好見怪。
接下來就係把電源線銲上，咁就大功告成!!!
把古河 Power Reference電源線接上，試一試個737惦唔惦先，
為安全起見，取來一隻獲蓋，吸一吸佢，萬一有事都無爆得咁利害，
123插!!!.............無事發生!!!好野，成功左，以後就唔需再見到個橫向八字頭了!!!
非常非常多得各方網友的資料，提意小弟應該接上地線，兩日後，
小弟又再試試在機上加多一條地線，該把電源線連接埋底板和IEC頭之間，於是小弟到鴨寮街的永盛，
買了一條 AudioQuest的電源線，店員和貨架上都話這條線可以作喇叭線或電源線之用，
一物二用，都唔錯丫，而且售價只係$18一尺，我買左一尺，後來亨利五世來電，
利用8分鐘的時間，好詳細咁教我應該點樣銲接底板，小弟依家成功左，
非常非常多謝亨利五世的教路，我先會咁有信心完成這個手術。
呢條就係Audioquest的電源線，係一條五心四色線。
我就係要把Audioquest電源線，銲到肉色的插座下面的底板。
首先抽出原身的電源插座。
除去底板的羅絲，反轉個底板，咁就可以清楚睇到插座下的兩點銲位，
我一陣就係把Audioquest電源線，接上這兩點度。
開好線芯，就見到係一條四色五芯線。
首先做條地線先，用佢的平網和藍線紐埋一起用作地線，
再用熱縮膠把兩條線包埋一起，再接上線耳。
利用Audioquest的紅線和白線，接到底板的位置，
而付有線耳的地線，就跟羅絲，直接上到底盤上。
最後把另一端，接上IEC頭上，咁就大功告成，
我的心開始跳得利害，我好怕萬一失手的話，一陣插電源時，
會發生爆炸，我接線後，仲把銲位，加上熱縮膠，
完成後係我最最最最驚的時刻，我吸了一口氣，忍住呼吸，
把古河電源線接到737的背面，
個心跳得好急，我真係好驚，我重來無做過這工作，真係好驚，
死就死啦!!!開Power，見到737個面板有出 loading字樣，
個心先無咁緊張，立刻搵來一隻MI2播住先，經過一陣的播放，証實無事，
個心就平靜好多，但係要成半小時先安樂。
圖中黑色比較粗的係地線，白色係N，紅色係L。
完