Pioneer DV-S733A 越級挑戰 Pioneer DV-S10A

　

圖。文 : 巴斯光年

好歡迎咁多位觀看今次的比賽，我們先睇睇左手面的挑戰者，係來自出口香港的Pioneer DV-S733A，

體重4.5kg，身高 97.5mm，屬輕量級選手，機齡不足一個月。

電源線方面，因天生只能接上橫向 8字的接頭關係，所以不能在比賽中選用優質電源線。

再睇睇右手面的選手，係來自日本Pioneer第二把交椅的DV-S10A，

DV-S10A出生自日本，百分百日本長大，體重，身高，屬重量級選手，機齡接近兩年。

由資料當中，大家都可以睇到 733A 不論係身高和體重，都大大落後於S10A。

電源線方面，因先天背面的電源接口係以IEC頭設計，所以可在比賽中，選用紫衫龍皇出賽。

影像訊號線方面，雙方選用同一條長達36尺，屬廣播級的Canare V5-5C作色差線，

由DVD機的progressive色差，直上SonyG70三槍投影機，投放100"4:3幕上作比較。

開始比併

由於場地關係，係我自己的家中，Pioneer s10a又係一直在我的使用下，而我對其性能非常之熟識，

投影機所有的設定，都為佢而調較的，所以唔需要再睇一次s10a的表現了，

立即接上733a，而 Sony G70的內置記憶，就用返原來s10a的設定播一次。

選用我睇得最多最熟的DVD碟，去評價兩機的實力，實在係非常容易。

所以我拿出我的幾隻碟作測試。

首先取出三區的 我的父親母親 作測試，

這隻碟最主要係睇膚色，片中有幾個鏡頭係表現章子怡膚色的自然，

在G70同一個設定中，733A的表現，實在係嚇人。

我原意只係想試膚色，沒想過出來的畫面有幾級跳的升級。

畫面比起我平時睇到的畫面，清晰了好多，污染指數接近零，而畫面明顯比以前的S10A來得Sharp，

好可怕的呢!!!好唔捨得換碟，因每個畫面都係一樣的Sharp和清，

就像用晶亮的玻璃水抹過一樣。

剛剛播出來的片段係比較光亮，得到高度的評價，但如果暗位的表現唔好，

會對這機大打折扣。

於是放上一隻暗位比較多的三區 太空戰士之滅絕XX

( 原諒我自己不能把片名，全名讀出，因為每個人都可以讀這片名的最後四個字，

唯獨我自己，就唔可以讀或寫出這四個字，不便之處請見諒。)

我選取了片中比較前的位置，內容係講述女主角一個人在黑暗的街角搵植物，

這段的暗位多的是!!!黑位唔夠的機種，來到這段就一一顯示出佢的弱點。

由於畫面暗位比較多，如果器材唔夠班的話，暗位的微細畫面，就無法表現出來，

如果想出術，推高Brightness或Contrast的話，無錯，暗位的微細畫面會重現，

但四週黑位，就比你攪到灰晒了。

所以，播放 太空戰士 這一段就可以有所比較了。

733A播放出來的較果實在使我目定口呆，眼前這架 733a播放出來的暗位，

非常之清，但又沒有使畫面變灰的較果，

你可以清清楚楚見到暗位的磚牆，磚牆上的紋你都睇得清清來楚楚。

有某D位置，我的S10A重來沒有話過比我知，有這個畫面，

733a的表現，實在叫人吃驚!!!

就算係暗位的角落處，你依然可以看到暗位中的微細位置。

比起S10A睇多好多東西。

巴斯有個念頭，733A使女主角換上了優質電筒呢!!!

接下來播放三區的 終極天險，這段所播放的片段係一開始的片段，

播放這段的主要目的，係睇睇畫質是否夠清，

片段中的演員，穿上不同顏色而鮮艷的衫，可以測試一下顏色是否豐富???

左手面的圖，，在 733a表現之下，圖中的繩，能結結實實地觀看到繩的交叉紋的質感出來。

由於733a的高清色晰度的關係，當大頭拉近男主角的眼球時，

圖中淺藍色半透明眼球出現時，表現出非常之清潔晶螢明亮。

紅色的衫，白色的雪，藍色的天空，紅白藍三色同一時間出現在畫面上，

733a能真正表現到自然的色彩，沒有一點人工化。

巴斯實在係好喜歡這個感覺。

接下來再放入一區的 貓狗鬥一蕃，這套片段，依然係想測試下 733A的清晰度。

選取大約中段的部份，講述忍者貓來放計時炸彈，剛好主角來到救主人。

由於733A 的Sharp和清，使圖中左手面的金屬扣，充份表現出強而有力的金屬感，

細細聲話你知，我來來回回，利用733A，睇了四五次這個金屬扣先離開，實是吸引。

最利害的係近鏡時的Sharp位，使全個畫面都像用玻璃水抹乾淨似的!!!

最後放入三區的透明人魔，這段係講述男主角打針成為隱形人，

同樣想睇睇在這隻碟中的膚色和金屬感的表現。

左手面的針，那個不銹鋼的質感，實在是使人感動。

而右手面，主角的膚色實在係自然得非常，

巴斯被這個畫面吸引了。

總結

經過以上幾隻巴斯熟識的DVD碟測試後，12Bit的影像處理，果然係名不虛傳!!!

Pioneer DV-S733A 在畫質上，全係以技術性擊倒Pioneer DV-S10A!!!

在巴斯的心目中，新一屆的DVD機皇者寶座被Pioneer DV-S733A奪得了!!!

測試到這個時候，機主需要取回機了，我總不可能留住別人的機作詳細的測試，

好可惜未能測試S端子的表現，而且也沒有時間試清楚DV-S733A，在Audio或睇戲時的聲音較果。

事關機上指出，733A係同時能對應

DVD-Audio，DVD-R，DVD-RW，SACD，CD-R，CD-RW，MP3，DTS-CD和普通CD。

未能有時間去作以上一一的測驗，實在係可惜呢。

但我答應自己，在我得到 747A( 日版的型號 ) 後，一定來個再詳盡的測試，

因為上星期，我在港沒有方法搵到 747A的現貨，所以只好訂購日版 747A，

而日本方面正缺貨中，水貨店主話這機到港後，需要改成全區碼後，先比得我，

店主話，我可能會在 2月6日或 7日咁上下收到這件新貴，

希望到時巴斯真的可以如期收到這架 747A就好了。

問到小弟係在那一個地方訂講???

就係在添置大廈16樓的Av館，訂購價由於日元每日都在變動中，

實價真的唔知，只係知大約係$5000，到步後可能唔需咁多，

但又有可能需比多小小，但這個真係需要到步後先知。

$5000只係一個大約價錢。

老闆有講過，如果唔想等咁耐的話，佢一樣有 733A出售，但係我自己無問幾錢，

只知道唔需$5000。有興趣的話可在下午三時後電 2748 0709問價。

但係昨日我上過去，就連733a都未有現貨，話這兩日來到，

最後都以店舖所講為準。

唔知添置商業大廈位置的朋友，可到以下這個地方睇睇。

進入添置大廈位置

浪費了大家咁多保貴時間，實在過意不去，今次這個測試告一段落，

做得唔係好好，因自己的工作關係，沒有太多時間去做網頁，所以做得唔好，希望大家唔好介意。

我每天都在回味 733A的畫面，希望 747A早日到步。

S10A的位置，正等緊 747A的取代。

完

§§ 返回巴斯主網頁 §§ 返回麥嘜的討論區 §§返回小強新聞組 §§返回Review 33 §§