以下的文章係回憶返當日買機的筆記，這款DVD機停產了，市面上極難再搵到，希望各網友注意
2002年1月8日啟
奇聲 progressive DVD機測試報告
特別鳴謝Li On借出這架DVD機比小弟作比併
非常高興和大家見面，多謝你們來參觀，
昨日，小弟好幸運得到Li On的指示，叫小弟到深圳的一間大型百貨公司的電器部，
買一架叫做 奇聲PDVD- 4026 回港，作一次與 Skyworth 1050p 作比併，
Li On，一直需然好滿意Skyworth 1050p在播放畫面的畫質，
但係就好唔滿意，佢的使用程度，好希望買過另一架用FL2200晶片的progressive DVD機，
原本Li On的目標係【金正數碼】的progressive DVD機，
但係睇完網上的熱心網友APE兄所貼出的開蓋相片後，
發覺佢和1050p結構都係一樣，所以就把目標轉到這款奇聲PDVD- 4026
其實Li On都只係推測奇聲PDVD- 4026會好過其他兩架，
加上機身上面係印有Faroudja標記，所以就賭一次。
我到達後，目的地係一間名叫【順電】的六層高大型百貨公司，
影音器材就位於六樓，唔需幾分鐘，就搵到我所搵的目標，
見個價位係售價1668元，在售貨員的安排下試機後，
用港元結算，只需 $1559，送兩枝有線咪和一架普通相機。
跟機來的仲有一隻試碟。
圖中的係奇聲PDVD- 4026 的盒，好明顯，對於我呢個不知所謂的人來講，
如果個盒換上一個女名星的話，會好好多，
盒面上絕無印上用那一家progressive晶片的字樣，但係在宣傳單章上面，
就清清楚楚咁印上使用FL2200。
選購這款DVD機的話，會有兩枝有線咪送比你，
但係大家見到 步步高 這三個字後，唔好誤會佢係另一家DVD機生產商所生產的咪，
這裏只係取個好意頭步步高咁解，這款咪的牌子唔係步步高。
兩枝咪仲要係唔同色架!!!好有心思呢!!!
你唔喜歡唱卡啦OK???唔緊要，再送埋個相機比你，佢係百份之百一架直正相機，
當然係入菲林影相的相機，用來比你家中的4-6歲的小朋友用，
接上菲林後，睇睇佢過幾日影了什麼返來，都係一個樂趣啊。
相片保留到佢他日成年後，再比返佢睇，當日的童年，就係影過一D咁樣的相片，
有錢都買唔到的樂趣，就係咁樣得到重溫。
這個就係奇聲PDVD- 4026的搖控。
以下這個就係跟機來的試機碟，入面有電影片段，風景........質素Ok，平平無奇，
唔太差，但又唔係好好，都份片段來自Panasonic的。
右手面的這部份，就係處理聲音的，明顯和1050p有好大的分別。
手指對下的位置，清清楚楚咁印上FL2200的晶片號碼，而當然Sega的晶片上也有印上。
鳴謝亞強借出手指一用，嘻嘻.....
這個就係DVD Rom，哈!!!佢真係一個DVD Rom來架!!!
你話他日真係咁唔好彩個DVD Rom壞左的話，
你話係唔係真係可以自己換個一個普通DVD Rom上去用返呢下???
我睇機會就好大，你話呢???
下面的部份就係電源部份，佢換電源線就比1050p容易好多。
這個就係電源開關和卡啦OK的位置
這個位置就係progressive的輸出位置，當然有VGA和progressive色差啦!!!
最基本的輸入，當然唔會小。
電源都係任你點插都得，100V定係 220V，240V，對佢來講，都係無什麼關係。
機身的正面，印有Faroudja的最新標記，有興趣對比一下個標記的朋友，
可到以下的網頁睇睇，兩個標記是否一樣???定係差唔多???
機身上面多是簡體字樣，卡啦OK，係國內必需的功能之一，
這款機當然唔會缺小啦!!!
同樣都係簡體字比較多，比起1050p的話，後者機身上的全係英文。
單係講機身設計的話，1050p對我來講勝出幾條街!!!
有興趣的話，可以Kick去下面藍色字，睇睇作比較。
progressive 色差和VGA的輸出，就係由呢度輸出呢。
當運作時，會有公仔睇的，和PVDVD運作一樣的呢!!!
【順電】商場，在華強北路，女人世界附近．
(華強北路路口，是很出名的華強電子世界，有多個商場，專門電腦用品／電話配件／電子零件．
由皇崗或羅湖過關，和司機講華強北路【順電】商場
所費只係$20-30。
完
§ 返回巴斯主網頁 § 返回麥嘜的討論區 § 返回小強新聞組 § 返回Review 33 §