和大家一樣，早前看過👉序章👈後，對這全新高達動畫有濃厚興趣。
8月6日同時推出兩款 水星的魔女 機體模型，市場一面倒傾側向👉魔靈👈，我都唔例外。
推出期間，先後經過兩家不同模型店，都見到大量存貨，時運低的我，兩次都因為出席丐幫大會，模型不方便跟身，無買到，世事就係咁，當有條件買走時，再見唔到👉魔靈👈款式了。
之後每次去各模型鋪都只是見到敵機款式，可是我只對👉魔靈高達👈情有獨鍾。
兩日前，無意中在百貨公司模型部，見到一盒魔靈高達，無錯，敵機款式同樣有多盒存貨，唯獨一盒魔靈高達，明顯店內最後一盒魔靈高達就在眼前，立即飛撲埋去，打算影完相就去收銀處，正好在我影完呢一張相時，一個肥仔 ( 約10歲前後 ) 過來虎視眈眈。
為怕肥仔吹雞叫佢老竇來引發生不必要的 MMA，立即拿上手拍攝，影完轉身去收銀處，一副模型，一個故事，今次同細路仔爭玩具。
之前兩家店鋪分別售價分別賣 $95 和 $105 ，官方售價 1760円 ( 約港幣 $100 ) ，現在高位入手價 $119 ，其實唔滿意可以放低，無人迫我買，只不過肥仔同佢老竇搵緊我之嘛。
回家開心影相留念。
側面樣子。
內容有提示分色分件，非常適合我呢類乜都唔識的新手。
側面介紹這模型各賣點。
另一側印有這模型前和後完成品樣子。
封面右下角，印有產地來源和制造日期，2022年即令和4年 ( 昭和 97年、平成34年 ) 。
正式開箱吧 ~~~
板件出來了。
說明書如常在底部掘出。
封面設計正常地一般。
如舊拉頁式雙面印刷，這面彩色。
另一面唔算黑白，因為邊位和數字等，以藍色印刷，說明書提到步驟為14。
付出 $119 元就係買呢堆膠。
核對說明書，提到所提供板件數量係7件，和1張貼紙，數一數先…..啱數。
A板件屬於多色成形。
集四個顏色於一身，當中包括透明件。
這是胸口透明件。
胸口透明件，需配合貼紙使用。
7板件當中6板都屬於PS膠，唯獨 E件是 ABS 膠，見佢獨立自己一個就知猛料，是啟動裝置狀態，造得很美，有別於上述透明件，這是無需加工成品。
背面樣子。
再看一次正面樣子，
這模型關節多處用上C字扣，使人擔心。
由於非常信任 BANDAI 的圖解，每張圖都很細緻，所以夠膽一次過拆下所有零件，只要把她們分類擺放，不會影響我找回所屬零件，對於朝種樹，晚界板，全無耐性的我來講，這樣做目的只是貪快，絕對是未學行先學走的反面教材。
廢話講完，埋位砌模型。
待續…….
上集圖文版本分享來到呢度，有興趣可 :
👉 按我看上集 Youtube 版 👈
