圖 / 文 : 巴斯
這篇是圖文版本，如不喜歡看文字，可👉按我看Youtube 版👈。
平成11年的大魔
一副模型，一個故事，講起點解我呢個新手會買到呢隻舊大魔呢?話說去年中，處於初期入坑，一次去模型店巡視業務時，乘電梯出錯樓層，網底蛙的我，意外發現一直不知道該層有模型店存在，( 其實係人都知，連掃地大嬸都知 ) 😂，店內發現這售價 $198 的 MS-09DOM MG ( 1/100 ) 大魔，相信大家都應該砌過，仲應該因年代久遠，早棄置堆填區，但我是初哥，無見過就當新玩具，當時好開心，抱埋櫃面附錢，店員話比隻新我，仲好搞笑咁問我一隻夠唔夠，當然買一隻就夠啦，我覺得店員好風趣，下次一定再光顧。
直到半小時後先醒覺，店員並不是風趣，意思係售價咁平，是否應該組成黑色三連星或成為三盒會會員，😂哈~~我真笨。
不過後來我都成為三盒會會員，不過係…….😄
令和4年的大魔
2 月11日是 MS-09DOM MG ( 1/100 ) 新款大魔推出日。
2 月10日 ( 即推出前的一日 )，見到 香坂 きの (こうさか きの) 小姐直播組裝過程，雖然我唔識日文，但喜歡看女生砌模型，看過她完成作品，我都想擁有。
👉按我得到重溫👈
唔知東雲うみ和優香會唔會砌呢?好想睇。
偶遇
我知自己無可能咁好彩第一批搶到，既然唔屬於我，好快我就死心了，2月13日無意中經過一家我從不知她存在過的模型店，店內居然被我見到他。
原來實物個封面靚仔到咁，點解有成棟新款 MS-09 DOM MG，且~~~原來唔係咁多人買，點人數後知道有8盒，唔知個倉仲有幾多呢?究竟係最後8盒，還是8千盒的其中 8盒呢 ? 正所謂事不關己，話之佢啦。
售價
睇下個價錢牌 👉$450👈 即係平定貴呢?唯有問碟仙。
官方定價連10%消費稅是 5500円 ( 約$372港元 ) ，現售$450港元，差價 $78 好貴啊，差價剛好買到呢副 SD freedom ver.GCP ( 當日買貴了少許 )，你肉痛嗎?你當然唔痛，我痛之嘛😂。
嫌貴?夠膽就放低佢，一個華麗轉身走囉，放丫，做乜唔放呀?最終我真係放低 ( 影相 ) 😂。
影完相，一下深呼吸後抱著他，衝到收銀處，即時把八達通清零，整個人就好似跌了入一個無底的深淵裡，感覺整個人有點虛，突然想起五個字👉財散人安樂。
有趣是新與舊大魔，同樣在無心理準備下，於無意中發現的店鋪購入，這就是我的一副模型，一個故事。
賣點
新款有以下幾個賣點 👉 手指與手部關節活動範圍比前作大一點，由於下盤髖關節比之前可掘曲多一點，有利擺出招牌滑行 Pose，還有就是無咁多顯眼夾口，對不想造無縫處理的我有利。
缺點
缺點方面，新款售價貴咁多，而外觀居然沒有太大變化，武器方面，無論款式和數量如舊我都算，居然夠膽死無跟駕駛員😡。雖然我口中不停講，以貴一倍價錢買新款唔值，由於新大魔封面實在太吸引，還是乖乖鬧住咁比 $450 。
開箱
新舊大魔來個合照，講有型，一定右手邊新款夠霸氣，BANDAI 當年所用的紅章，也轉成今日的藍章。
紅、藍分家由 2018年 ( 平成30年 ) 愚人節開始。
新大魔的藍章。
舊大魔的紅章。
新大魔盒上印有今年2022年 ( 令和4年 ) 和日本制字樣。
舊大魔盒上所顯示，屬於遠自上世紀末，1999年 ( 平成11年 ) 和日本制字樣。
23年前還是把定價印在盒上，不難見到當年這款大魔是4000円 ( 大約今日的 $270 港元)，想不到當日不需 $200 買到是幸運。
霸氣唔只係新大魔封面設計，盒身厚度都是比舊作厚多約 1/3。
駕駛員
透過兩款盒側面合照，可進一步了解兩者不同之處，上層是舊款 有提到，除附上兩名 1/100 駕駛員 ( 其中一名可放駕駛倉內 )，還額外提供一名 1/20 駕駛員 ( オルテガ )，不過新大魔只有兩名 1/100 駕駛員，而 1/20 駕駛員 ( オルテガ ) 就不再提供了😡。
原來所謂無跟駕駛員，只係無跟 1/20 駕駛員 ( オルテガ )，兩名 1/100 駕駛員依舊跟機來。
新款盒身上，清楚印上各項賣點。
正式開盒，打開盒蓋後，直接可見到零件。
唉~~~如圖所見，舊款開蓋後，第一眼出現眼前是一張硬卡彩圖，不是直接看到零件就算，所以舊款高級好多囉😡。
說明書如常在盒底掘出。
先把零件盡數取出，共有22組零件。你覺得 $450 可以買到幾多個巨無霸餐丫拿 ? 又或者講我知，點說服女生 ( 無論是媽媽，太太，還是女友) ，你用 $450 買呢堆膠呢?
駕駛員
新款只有兩名 1/100 駕駛員，透過AA電池可大約猜想到實物大小。
舊款同時提供兩位 1/100 和一位 1/20 駕駛員 ( オルテガ ) ，透過AA電池作比例，可大約猜想到實物大小。
水貼
附上一張水貼。
有齊三位駕駛員名字。
得一張貼紙咁少? 舊款有兩張，但售價平一倍呀~~
兩者的大小比例。
說明書正面
左手邊的新款說明書，比舊款吸引得多。
說明書背面
哈~~舊款的說明書背面，真係大魔的背面，而新款說明書背面反而都係大魔正面，所以我喜歡舊設計😄。
新款說明書中間彩頁，除有講解大魔身上配色外，其左下角有提示兩位 1/100 駕駛員所用配色。
唔計封面和封背，說明書一共有19版圖解。
補件
如舊提供說明書或補件收費，但只限日本領土範圍，唔好白撞。
廢件
嘩~~~咁多廢件? 我覺得有1500円係買了廢件囉😡。
嘩~~呢度仲有?😡慘喇~~
無縫
雖然話係唔需要處理咁多無縫，原來係處理小D，唔係完全唔需要處理！拿~~唔係唔需要處理，機鎗咪又係左右合成。
都要處理無縫吧。
拿~~咪又係左右合成。
不過又真係有些無需處理無縫，這裡似 原石新安洲 燃料筒設計一樣，咁樣好好多。
舊款是這樣合成的。
開箱分享來到呢度，有空再完成新款大魔素組，到時再和大家分享。
👉 按我看Youtube 版 👈
: 完 :