圖 / 文 : 巴斯
9月25日星期六，是官方宣佈發售 SD WING GUNDAM ZERO EX-Standard 大日子，官方連税定價 660円 ( 約$47港元 )。
星期五唔知點解差錯腳見到佢，冇在香港18區格過價，唔知呢個價係全港最貴定最平?
只售四十兩銀，平過下午茶餐，貴又好平又好，正常人當然選擇下午茶餐啦，邊會用來買模型咁笨? 盒身正面靚仔，好難忍手唔買 😊 ，一手交錢一手交貨，奪門而出，飛奔回家。
側面樣子。
盒身有介紹可配合 HG 來個兩吃，結合成為 HG 的一部份，不過…………我無 HG 喎 😢
四十兩銀，可兩吃，有武器渣手，仲有什麼話好講。
當然係 PS 與 PE 膠啦，難道比合金你咩，我真是講緊廢話中的廢話，好明顯無野搵野來講。
開箱時間
盒蓋打開。
常態的模型+說明書。
先睇說明書，精美，一定保留唔會棄置垃圾桶。
如常拉頁式雙面印刷，彩色的一面，有提到與 HG 結合的使用指示。
另一面是黑白，一眼睇晒，簡單到不得了，以我智力，三個月應該可以完成素組。😂
左下角印有補件資料，提到有三件零件👉每件👈 40円 + 200円郵費 ( 合共約 $17 港元 )，其他零件 和 補色貼紙 同價，👉每件👈 40円 + 120円郵費 ( 合共約 $11 港元 ) ，說明書 80円 + 120円郵費 ( 合共約 $14港元 )，有提到只限日本領土範圍，唔好白撞，以一盒 660円 模型來講，40円補件是合理價錢，雖然如果我在香港要補件，打比 森七菜 或者 浜辺美波 幫我搞都可以，就算吹雞叫日本自衛隊送上樓都唔難，不過我覺得落街買過盒無咁嬲啦。😂
圖中所見就是上述提到，郵費貴少少的三件零件。個人推測，因為需要花額外保護尖出來位置，增加了郵件重量，所以郵費比其他零件貴少少。( 只是我性幻想，並無事實根據 )
說明書講完，到零件了，合共三包。
膠袋輕易撕開。
六件 + 1張補色貼紙。
嘩~~~就憑呢張補色貼紙?算把啦，我只會用的就係對眼。
説明書有提到參考塗色，新手的我，想今次開始用佢來上色，不過素組完先，因為我對上色無乜信心，說明書建議用水性油，但我唔想用水性囉。
說明書點數正確，無漏件。
夜深了，下集先砌喇喂。
👇下集推出了👇
👉 按我看下集 👈
