圖/文 : 巴斯
這篇是圖文版本，如不喜歡看文字，可👉按我看Youtube 版👈。
2020 年 ( 令和二年 ) 12 月，BANDAI 推出一套三款，身高為 85mm 的 SDズゴック (SD Z’GOK 魔蟹) 扭蛋，球形身體顯得他們非常可愛，我一見到就想擁有，雖然推出了一段時間，大家未砌過都見過，網底蛙唔係浪得虛名，我從無見過，後知後覺見到，自然當發現新大陸咁睇。
全3種
3款魔蟹包括紅色馬沙專用機體、淺藍色量產型機體和曾經在 機動戰士高達UC 出現過的綠色機體。扭一次盛惠 500円 ( 約$35 港元 ) ，如果好彩，扭三次出來都唔同款，成本就是 1500円 ( 約$106港元)。
扭蛋
他們理論上透過扭蛋機獲得，由於我接受唔到失敗，向來黑仔的我，萬一耗盡銀兩還是三缺一，到時一手蟹貨，以我性格，應該當場上吊死，所以無扭蛋習慣。
今日這套過期蟹貨，想扭都難，所以直接一步到位跟蟹商購入，其實咁係浪費製造商設計扭蛋比我們的心思，如果相機食先被稱為唔尊重食物係成立的話，咁扭蛋唔扭而選擇買，咁就應該係侮辱設計者了。
開封
蟹商明碼實價一套三隻👉盛惠 $95港元👈。第一隻開封的水陸兩用機體魔蟹，當然係我最喜歡的馬沙專用機體啦。
無額外蛋殼套著，機身就是他的蛋殼，以熱縮膠保護著，劏蟹正式開始😂。
移走熱縮膠後，一看蟹掩就知道呢隻係公來的😂，一定係，除非唔係 😉。
蟹蓋開邊後可見到蟹膏豐滿😂。
唔知點解兩隻蟹鉗需要獨立包裝。
有張紙仔在裡面。
啊~~原來係說明書，三隻蟹各自一張，但都係同屬一款。
點下數目先，前、後蟹蓋，左手左腳，右手右腳，兩個燃料筒，齊晒，可以進行👉組裝。
手腳接上，簡單到小朋友都能輕易完成，掌中有米加粒子炮的利爪，預設利爪是收藏起來，要倒轉插回正確位置。
前後蟹蓋合成，點解咁似有核西瓜😂。
燃料筒接上。
禮成，好可愛呀，勁喜歡。
剛出世的紅色馬沙專用魔蟹。
佢叫我同兩位隊友解封，好的，我會，我一定會，放心。
開青蟹~~
一樣的方式完成組裝。
好野，一紅一綠都完成了。
喂喂喂~~~唔好搞佢啦，我遲D會為佢上色後，就會以綠渣古形式，加入你們的自護軍架喇。
得~~明白，完全明白你倆意願，我立即開工。
量產型機體開封中………同樣方式完成組裝。
好開心呀~~三隻都完成組裝了，可愛到不行😍。
青蟹除導彈發射口不同之外，她也沒有臂章的呢。
小隊出巡中 ………. So Serious
發射口
在機動戰士高達UC出現過的綠色機體，其頭頂6枚導彈發射口，顏色處理和其他兩款有所不同。
手腕提供格鬥爪、掌心可見米加粒子炮發射口。
物有所值
每隻蟹 500円 ( 約$35港元 ) 連稅，兩個字形容👉超值👈，我非常滿意這次體驗，如果現在給回我全數現金選多次，我一定起撲去買多次。
他日要進階的話，我想為他們造無逢和消光達到完美，不過我都係講下吧，有時間再說吧。
點解鬧交?
原來爭論邊個負責收拾垃圾，
: 全文完 :
👉 按我看Youtube 版 👈
