圖 /文 : 巴斯
這篇是圖文版本，如不喜歡看文字，可👉按我收看Youtube 版本👈。
官方資料所見，6月19日同時推出👉佐助DELTA高達👈 與 👉軍馬👈。
當中最吸引我是軍馬，點解?呢張官圖仲唔係答案?型到咁唔係唔買下化~~，尤其手上早有信長。
軍馬官方定價為 550円。
550円即係幾多港元? 自己睇丫~
入手價👉佐助DELTA高達👈 $40 ，而👉軍馬👈$35，平過官方定價，不過我無在香港18區格過價，都唔知係全港最平定最貴。
後來經過百貨公司見到，軍馬賣呢個價。
買馬當然去馬會啦，難道去模型店嗎？唔該瞓身獨贏，等派彩！
稟皇上，東厰探子飛鴿傳書，昨晚發現敵軍於京城外高速策騎軍馬，卑職立即展開追捕，用五個時辰成功生擒攔截，錯過午飯，兩餐慳埋一餐食。
一個係信長隻頭馬，一個係信長條"靚"，無可能忍到手囉~~
慘喇~~又多兩盒， SDW HEROES 推出至今合共 7款，如果係龍珠都夠許願了，7款當中只有 Benjamin v2 一隻完成假組，其他全部未開封，要好好檢討 😢
軍馬有乜咁巴閉? 家中早有兩隻鐵馬，又係未開封 😂 歐陽修講👉買就易砌就難， 砌得切先好買👈。
開盒時間。
內裡如常一般樣子。
先睇說明書。
如常的雙面印刷，這一面是彩色，主要都係話完成後如何跟其他 Heroes 合體，當然最重要包括信長。
背面如常黑白。
拆膠袋~
撕毀膠袋，掘出組件。
一目了然，$35港元，就係得眼前三組件，兩黑一紅，無補色貼紙，因為隻軍馬就係得紅和黑色。
水口位做得很好，都是三點式接觸，微微用力就脫出，又易撕，無需剪鉗出手。
由於軍馬設計比較簡單，所以一次過撕出來簡單分類放好，無需擔心太亂無法組合。
組合零難度。
醒目又有型的軍馬假組完成。
不過唔夠官圖靚仔，因為要補紅色和消光。
噢~今次又無水口比她吃了😂
三組件結合完成，只有圖中見一塊件是沒被裝上。
根據葵花寶典內提到，這組件是給其他 SDW HEROES 配合使用。
主要是給他們的裙甲用，HEROES 要卸甲先夠位入座，這配件就是接上卸甲，再接到馬脾，例如配信長的話，就好似圖中所見組裝。
信長未開始砌，唯有用 Benjamin 示範。
接上後都好有型呀喂~~
另外，馬背可如圖返過來空出位置，變成為踏板，好讓 SDW HEROES 放入去，還提供接柱穩固。
打開座位就係咁喇，唔夠位仲可以伸長小許。
Benjamin 上馬英姿唔會差得過信長。
馬肚有摺合連接柱，方便接上 ACTION BASE ，唔用可收到馬肚內。
ACTION BASE
手上有四款 ACTION BASE ，無一款跟官圖所見的一樣，唯有求求其其接得上就算，但好靚仔呀喂~我係咪應該要買多隻馬呢?
假組後的軍馬，到我有時間，就會為佢清理水口，補上餘下紅色和消光。
: 全文完 :
👇可收看 Youtube版👇
