圖 / 文 : 巴斯
這篇是圖文版本，如不喜歡看文字，可👉按我收看Youtube 版本👈。
早前一口氣購入 SDW HEROES 👉 01-03 ，成為三盒會會員，同一款買三盒先叫三盒會啊，咁唔算三盒會架，咪搞爛gag啦，先唔好計後面原有未砌的模型，單係佢三隻都未有空砌，災情嚴重。
期間一直有消息話即將推出 Benjamin v2 與 Edward second v ，兩款都靚仔，我同自己講，推出時，兩款都要接返屋企。
你睇 Benjamin 靚仔到咁，無可能忍到手下化~~官方售價係 770 円 ( 連税 )。
770円即係幾錢港元? 我點知啊，我又唔係找換店，問碟仙啦，捽一捽就有答案。
呢日，一支穿雲箭，東厰探子回報，SDW HEROES 04 與 05 現貨發售中，另加慣性贈品。 01-03 都未砌，未知兩位大人駕到，有失遠迎，卑職知罪，八百里加急撲去迎接兩位大人，到步後見到售價分別是 $48 與 $45，平過官方定價。
由於我無格晒全港 18 區價錢，$48 呢個價，唔知係全港最平定最貴了。
前三盒未砌，又來兩盒，點算好? 呢個排位係以個人喜愛程度排序，企中間最愛，然後到左右，悟空當然第一，Benjamin v2 與 Edward second v 雙雙成為第二位。
和之前的 SDW HEROES 一樣，每款都有贈品，不過今次唔係 AR Card 或文件夾。
而係貼紙和地面特效情景擺設。
大大隻字印著非賣品。
拆開出來合照吧，一條條海參咁款就是地面特效情景擺設。
且~~~劉備，信長和悟空用的眼，仲有警長用的徽章，全部唔關事東西，贈品係咁架啦，唔係送比你都鬧下化？
貼紙也印有非賣品字樣。
來開箱吧，海賊船長 Benjamin 高級過 Edward ，加上係孫堅好友，當然開 Benjamin 先啦。
盒邊再次展現 Benjamin 的英姿，仲有武器介紹，一個字形容👉型。
來開盒吧。
拆膠袋。
盒內六組零件一目了然，除了海賊主色 ( 黑色 ) 外，還包括有金色件，啊…….透明件都有?
先睇說明書，封面當然係靚仔的 Benjamin 。
說明書如常地屬於雙面印刷，彩色這一面有 Benjamin 連環圖。
另一面是黑白印刷圖解，結構非常簡單。
附上補色貼紙，咁少?最大面積，應該是海賊帽補色貼紙。
正式剪件。
其實呢款模型唔需要剪都得，因為水口位做得好細，接觸點極小，徒手可取出。
不過我都係要剪剪剪，同埋剪。
因為 SD 好細隻，零件唔多，所以我一次過剪晒出來。
加上有不同顏色分件，不難認出零件所在位置。
完成了，找清潔工人來處理餘下水口。😂
組合前，先把屬同一部位組件放在一起，方便結合。
這堆就是 Benjamin 所用武器。
先把頭部砌好。
然後到身，然後手手腳腳。
各自完成後，一次過把不同部份合體。
接著把各身體組合地來。
禮成~~
封面與內容
素組 Benjamin 使我非常失望，完全跌落萬丈深淵，官圖和實物的顏色落差，大到無法接受。
睇官圖靚到咁，跟實物比較是天地之別，好明顯係上了👉賊船👈，喂~~Benjamin 擺明係海賊啊！上賊船咪啱數囉！無扼人喎。
無可能用跟來呢張貼紙搞得掂囉。
咁梗係水晶膠加雙氧水啦，唔係我撩到隻字出來? 呢D野一早知架啦師傅!收你 $48 幅模型，比埋條命你好無?
補色
想好像官圖咁靚仔，自行補色是唯一方法，左右兩邊肩甲位根本無需要用上透明部件，跟海賊拉不上關係的。
由頭到腳都非常之多花紋需要自行補色。
但如果自行補色，對我呢個新手來講是極大難度，唔係補平面咁簡單，而係有高低級花紋。
當然阿Q一點去想，這是練習補色的最好機會。
就算背面也有大範圍需要補色。
武器
補色容後再作打算，Benjamin 的武器算係多，重溫一次。
長刀 x 1
短刀x 2
火槍 x 2
巨鈎 x 1
眼罩 x 1
Benjamin 眼罩使用透明配件是明智之舉，大大增加有型感。
但巨鈎同樣是用透明部件就扣晒分，在巨鈎身上補色對我這個新手來講，跟造核彈無分別，不過配上巨鈎後，船長個勢好出，型到爆裂。
巨鈎由兩塊件夾成，可先把拳頭放入之後先夾在一起。
把拳頭放入，然後先夾上另一塊，組合時會方便好多。
雙槍 Benjamin ，同樣型仔。
長刀有刀套，可掛腰間，出鞘後更型。
三隻手
唔係話 Benjamin 是三隻手 ( 扒手 )， Benjamin 係海賊，( 扒手 ) 偷偷摸摸，海賊擺明係搶，層次唔同架😂。所謂三隻手，是額外多出一隻👉右手👈，留意兩者球形關節角度是不一樣。透過這圖可大約了解到球形關節角度，使受握武器有著更有型 Pose 角度，最不滿意是這贈品是不同顏色，而且只有一隻右手，如想擁有同樣功能的左手，要問 Edward 借，因為 Edward 同樣擁有三隻手，不過他擁有的是左手，咁兩者可替換到。
當我完成埋素組 Edward 後，就會為佢兩個進補色。
: 全文完 :
👇可收看 Youtube版👇
