圖 / 文 : 巴斯
這篇是圖文版本，如不喜歡看文字，可👉按我收看Youtube 版本👈。
賣點
向👉ENTRY GRADE 👈 RX-78-2 GUNDAM埋手，有以下這幾個賣點。
免工具
免上色
免貼紙
易完成
價錢平
👉ENTRY GRADE 👈 呢個名好明顯為我而設，加上 一盒 1/144 比例模型，只需 770円 (約 $56)，我入手是必然，👉齋啪👈非常適合我呢類朝種樹晚鎅板，全無耐性的人。
770円，7算即大約$56港元，但……..點解呢度仲平過官方價? 唔明，其實唔需要明，負責比錢就得架喇。
ENTRY GRADE RX-78-2 GUNDAM 推出了一段日子，所以很多師兄早前就玩過了，對於我這個新手來講，未見過就當全新，雖然有膠袋版選擇，但對我來講，要有盒先覺得自己係買模型。
包裝盒上有提示，由於分件時早就上了應有顏色，所以無需貼補色貼紙，而且各關節可動性高。
另一賣點是能免工具完成整個砌件過程，包括用👉搣👈方式來拆件。
物料方面，由包裝袋到包裝盒，都提示所用物料，而且講明以唔耐用的PS膠，收你 770円 (約 $56) 一盒模型，比全金屬件你好無?
分好晒顏色，又分好晒位，👉ENTRY GRADE 👈唔係隨口噏，事實上小朋友能明白。
開盒。
拿出兩袋件和一份說明書。
雙面印刷説明書，印得好精美，砌完一定 Keep。
這一面是黑白印刷，八步成詩，提供七步教學。
第八步在彩色印刷的一面，並提到高達由來，好明顯用來滲透小朋友世世為奴的戰略。😂
拆袋。
一目了然，四大件，如小朋友手仔細，覺得框架太大，阻礙他👉搣👈件，可選擇先拆成8小件再搣。
喂喂喂~~無你事，今次無水口餵到比你食，回去吧。
跟遊戲方式開始搣件。
雖然官方強調無需工具，但有兩件超細零件，由於我對自己無信心，如強行搣出，怕會損壞，最終用了剪鉗，第一件是天線位。
犯規落剪鉗。
透過100円硬幣作比例，可大約猜想到天線有多幼，我真係對自己無信心，所以犯規。
正所謂一件污兩件穢，二犯是十字架。
犯規落剪鉗，拿~~五犯先離場，我兩犯遮😂
講起天線位，為保障小朋友安全，厰方唔會使天線太尖，天線位明顯做了強化。
唔處理就咁放到高達頭去，成隻蝴蝶觸鬚咁，點接受到呀，完全係笑料~~~
一件污兩件穢，三件無所謂，官方有留到線位比接受唔到的人把礙眼位剪走，三犯😂。
剪走後要打磨、否則一樣礙眼。
砂紙打磨細面積，幾十秒完成。
去除蝴蝶觸鬚後，順眼得多。
四犯是因為要把連在一起的裙甲剪開，成為獨立自主運作。
多得師兄教路，現在左右腳各自踢腿，裙腳都不會互相影響。
無喇~~真係無喇，係呢四刀，無第五刀，現在合體時間。
可動能力
可動性是否高，要看個人要求，以我這新手來講，能夠擺到好多我想要的Pose就算可動性高，連經典 Pose 👉 The Last Shooting 👈 都擺到，仲想點?
全靠肩關節用上C字扣，手部先可以擺到👉 The Last Shooting 👈 這款 Pose。
呢款經典回馬槍 pose 都擺到。
上與下半身的連接，全靠這個球型關節，腰馬分離，所以腰部先可以靈活轉動，擺到回馬槍 pose 。
高達頭部活動範圍非常大，可以配合做到好多不同的 pose 尤其仰望角度。
高達頭部之所以活動範圍大，全靠這球型關節。
因肩關節用上C字扣關係，所以擺到呢個拔劍 pose ，770円做到咁仲想點呀~~
其他 Pose 都滿足到我這個新手要求。
770円模型，膝關節都屈到跪姿出來，咁都仲有投訴?
有手尾跟
雖然官方建議搣件，但結果水口處處，單是這個小小範圍所見，水口多達9處之多，一向有水口強迫症的我，完成第一次假素組，影完相，一定抽時間去處理水口。
另一個容後會跟進是滲線，滲線後會靚仔好多。
第三個會跟進是補色，完成後要為光束步槍的準星、盾牌和後腦補色，其他兩個位置真是補色，但盾牌是因為表面有水波紋影響外觀，所以要上過色。
呢個拔劍 pose 得個勢，佢係唔會拔到光束刃。
雖然劍柄可取出，可能因為保障小朋友，怕又尖又長的光束刃，傷害到小朋友，所以沒有提供，但提供插孔。
自行改裝或問其他高達借劍用都係方法之一😂 ，不如試下牙籤丫，嘩哈哈哈~~嘩嘩嘩~哈哈哈哈，
官方之前分別推出過3歲以上和6歲以上 ENTRY GRADE 模型，她們可動性並不高，今次推出是8歲以上級別，可動範圍大幅調升，而且是元祖高達。
在可見的將來，ENTRY GRADE 高達會………..噢撈~
:全文完:
👇可收看 Youtube版👇
