圖 / 文 : 巴斯
幣！無意中發現原來未為呢隻經典DVD備份，唔知隻碟是否健康讀到？喃磨~波羅~~儍羅………..
激死我，剛發現電腦所屬 DVD Rom 壞了，幸好有 T Air 以外置 Rom 方式接電腦讀取。
透過 USB A TO Micro B 線材接駁電腦，雖然只是USB 2.0 ，總算救我一命。
T Air 見到隻碟，希望光碟由頭讀到尾啦，唔好講咁多，立即備份。
唔係 DVD-5 ，又唔係DVD-9 ， 原味 ISO 備份。
嘩，需時接近半小時咁耐?咁你慢慢搞，我食個下午茶，轉頭來取，伙計唔該一碗叉瀨，凍奶茶多奶後上。
且~~~又話24分鐘。
在 Zappiti 上看到有關資料，完成。
DVD唔通用投影機睇咩，就算55吋電視都覺得大，用 30吋 mon 算了，正常播放，安樂晒。雖然是經典電影之一，由於沒有重温一段長日子，劇情都忘記得七七八八，也忘記有谷祖琳和何超儀的演出，當何超儀出場時，立即勾起了趙啷啷這個名字來😂，在2021年回看2003年，十九幾年前香港所發生故事，沒有如當年覺得好睇，其實套戲無變，變的只是被社會毒打多年後的我，心態轉變大，自然看事物都不一樣，不過有一定程度趣味性，重温一次足夠，下次再重温機會微，備份只屬自我感覺良好。
: 全文完 :