圖 / 文 : 巴斯
市面上找👉中文👈標籤機不難，無論用輸入法或者app都可以，售價數百元起跳到過千元不等，標籤消耗品也過百元起跳。
消費不起從來都是我的問題，而不是產品定價問題。機價 $99👉精臣 D11 標籤機，選用 app 來輸入文字，繁、簡、英、日……..輸得入，印得出。
機身提供三款顏色選擇。
精臣 D11 標籤機體積比較細，是我可以接受的範圍。
三個顏色之中，選擇簡約白色。
Logo
加入個性化圖案也無不可，加錢就可以了。
加幾多錢?我都想知，於是問客服。
標籤
精臣 D11 標籤消耗品，雖然不算平，但也不算太難接受。
最初我擔心標籤貼得不隱又或者其質料不耐用，收到實物經使用後發覺我的擔心是多餘。
香港買到
其實唔一定要淘回來，香港也不難買到精臣 D11 標籤機。
標籤機對我呢類記性不好的人來講好有用。
何博士，呢件野合你用呀~~何博士……..何博士….點解何博士唔應人架? 唔緊要，我話比兆尊知，兆尊~~兆尊~~你話係咪好用呢~~有了標籤咪唔會搞亂囉~~😂
未開就知兩者內裡分別，對我呢類無記性的人來講，好幫得手呀~~
電池用上她，不會搞亂組別 ( 四粒一組 ) 之餘，還方便看到她們服役多少年。
對於能在米上面寫字的朋友，要在電池上寫日期又有幾難呢? 但我就無可能寫到了，標籤機字體夠幼，加上透明標籤帶，唔講仲以為日期是來自電池本身。
有些掣不可亂按，標籤後按得開心又放心。
唔好講廢話啦，唔通住了20年，燈掣都要標籤咩，當然是指新裝修加了掣位或新居入伙，在適應期使用吧，無論對客人或家人都來得方便，尤其屬於洗手間掣位。
標籤
精臣提供很多顏色或圖案標籤帶選擇，不過喜歡簡約的我就只選購了白色與透明兩款。
白紙黑字👈雖然很清楚，但老土到極，低調透明標籤幫到手。
標籤一目了然，不會跟其他👉同類👈混淆。
橫豎
文字方向可以是橫，也可以是直，視乎用家需要，在app內輕鬆設定。
語言
文字方面無國界之分，繁、簡、英、日……..輸得入，印得出。
就以大門醫生口頭禪👉私、失敗しないので👈，以日文方式印出也是零難度的事。
字體
咁細張貼紙，唐詩三百首當然入唔晒啦，但打兩行字是零難度，而且提供不同字體選擇，並可調節字體大小或其粗幼體。
素材
另一方面，app 內提供多款不同素材，實用之餘還增加視覺趣味。
密碼
印出 Wi-if 密碼，貼在固定位置比客人睇，你話威唔威先 😂 幣喇~究竟係 30624700 定 30624770 呢? 打比林子祥問下先，不過無人聽，打比潘源良都無人聽……… 😢
長期病患
食藥都有素材可加入並印出來。
就以黃醫生和陸醫生聯名處方比我的糖尿藥為例，配合日式看護口對口餵飼，食藥變得準時和願意得多了。😂
QR Code
連 QR Code 都可以為用家建立，輸入內容就會自己產生 QR Code ，方便到無朋友。
為的是方便對方掃二維碼喇喂~~乞食都要與時並進嘛，孔子曰 👉 斷窮根唔係夢 😂
跟機係咁多野~~機身能源來自 Micro USB 充電，空肚至餵飽約 3-4 小時，透過 app以藍牙方式接駁，$99當然只淨機價，就算首次購買都無標籤帶送。
家中很多小東西，如果平日把她們集中一起存放，突然要找，事半功倍。
利用標籤把物品分門別類，能一目了然地快速找到想找東西。
標籤好處就是無需打開，就可一眼見到👉什麼是沒有，免得浪費時間。
為日後著想，可預先把應急的存起，以便一時周轉唔來，可以立即變賣套現， 👉 轉眼間 iPhone 12 可到手。😂
假牙、金條，唔需要打開就知她們所在。
透明標籤雖然型格，但不搶眼。
白底黑字的標籤，會看得順眼一點。
類別無分大小。
不過貼標籤前，一定要好肯定自己無記錯日期同埋物品名稱，否則標籤都係幫唔到手架喇。😂
:全文完: