圖 / 文 : 巴斯
米家自動感應洗手機之所以出名，除了她免插線，只需要4粒AA電池推動，自動感應出泡，非常好用之外，其中一個話題就是其👉設計失誤……
舊款
她經一段時間使用後，梘液會在內部管道漏出，引至梘液倒流到內部零件，最後壞死，在網上不難見到屍橫遍野。
當然有些熱心市民出來教大家動手術補鑊。
新款
近日透過京東和小米商城見到新設計解剖圖，明顯跟舊款設計是完全不同，似乎是針對性地作出全面修正。
隋機發貨
京東和小米商城 網站內咁講 👇，唔係下化~唔影響?隋機發貨? 咁既然一樣，你要舊款，我要新款丫，總之我唔要舊款。下圖所見新款是烏咀，而且個樽底有字樣，明晒。
66人民幣
我無光顧京東和小米商城，最後以66人民幣光顧淘寶其中一所商家，星期日發貨，星期二到達深圳集運倉，星期三連同其他早前訂購貨品一口氣送到我家樓下。
香港小米
唔想跨境買咁麻煩，香港小米有售。
如果買夠 $150 免運費。
幸運的我
官方圖當然無顯示埋塊板啦，但新款實物就可見到無論是塊板，或者是出梘液的咀，都是全新設計，咁我真好彩，到手的是新款，雖然唔知會否又漏，但起碼係針對性新設計，比較有信心，總之我唔想買到舊款囉。
替芯
米家自動感應洗手機另一話題就係👉唔用原廠洗手梘液替芯👈，大量熱心市民教大家入自己喜歡的代替液。
原廠替芯好貴咩? 😒
👉香港👈小米同樣有替芯發售。
每樽容量為 320 ml 可使用 400次，又有幾貴呢?
他們的理句是唔知原廠梘液是什麼成份，所以想入替自己找回來的信心嘔泡液，咁不如擔心部機會爆炸啦，洗手都搞到咁複雜。
用唔用原廠替芯都爭議一番，仲人生攻擊，真係好奄悶，生活在 2020年，基本上呼吸都被人話係錯的年代，只要唔影響別人，無需理會其他人講乜，更無需跟其他人交代，正所謂事不關己，乜乜物物，食個下午茶先，結果唔需講我聽，冇興趣知，走先喇~~~
改
首購跟機來是有一支梘液樽，理論上用完就成個樽1對1替換。
小手術目的是要她成為👉永久👈的樽，不再替換，所以向她開刀。
這些熱心市民所教的方法是利用燒熱鏍絲鈚或者鑽咀，在原廠膠樽弄個孔，把原廠的塞蓋著新孔，便完成改裝。日後梘液用完，便利用這個孔，灌入自己喜歡的嘔泡液，溫馨提示 : 不能入替性質太👉杰👈嘔泡液，要選用稀一點，否則吸管無法吸入。
雖然另外有熱心市民教大家用一字鏍絲鈚慢慢拆出👉頂蓋👈，但長期咁開會有機會損壞頂蓋。
方法
原廠開蓋後可見到這個防漏護塞。
理論上，開封後露出吸管，這個防漏護塞可以即棄。
不過熱心市民就要保留她，不難見到防漏護塞直徑太約 1CM。
開孔直徑跟防漏護塞直徑相若，用鑽咀鑽，有機會有碎膠跌落樽內，用燒熱鏍絲鈚篤落去，太殘忍喇，明顯係滿清十大酷刑，過唔到電檢處架，所以無影相。
把自己個人喜歡洗手液，先傾倒到這類尖頭樽。圖中日本城這款樽容量為 350ml ( 米家樽 320ml )
再把洗手液注入開孔即可。
把防漏護塞多餘的部份切走，用鉸剪又得，用指甲鉗又得，如果打算用牙咬都無人阻止到你架。😆
得咗~~
唔環保
由於我個人比較懶，唔想倒來倒去，換替芯比較適合我，但缺點就是製造大量膠空樽，所以我暫時都未有確實打算，到時再算。
用了一星期感覺非常良好，放在洗手盤附近體積剛剛好，不大也不小，自動快速 0.25 秒嘔泡，而且泡沫豐富。
加上可用我一直用開，長期備用的AA充電芯，一無電立即可補上，比USB充電更方便，售價又唔貴，送禮自用都咁開心。
電源開關在頂部，方便需要打掃時暫停感應嘔泡，用手指輕鬆掃一掃，就能把電源開或關，橙燈代表關閉。
白燈代表電源開啟。
:全文完 :