圖 /文 : 巴斯
話說上次要買新一個月上網卡，因一直用開的那款無貨，暫用另一張頂替一個月，當時老闆娘話 csl ( Your MOBILE ) 有張香港儲值卡新Plan， 雖然未有貨，話有貨通知我，眼見宣傳品印上 30日有 8+2=10GB 流動數據用，很吸引，無貨唯有回家等消息。
呢日老闆娘用千里傳音通知我。
雖然我所苦練30年的輕功，介乎東方不敗 與 青翼蝠王之間，但要出到省城，以我功力，最快都要12個時辰，所以我改坐巴士。
賣點
csl (Your Mobile) 4G LTE
30日( 8GB + 2GB =10GB ) 流動數據
每日8毫
同其他在鴨寮街所買的卡一樣，不是跟正價發售，這張卡老闆娘實收$25港元，但我無格價，是全鴨寮街最平定最貴我都不知道，$25港元用30日，即係幾錢日? 立即找來陳李張黃何，史廖林白蔡會計師樓 20人團隊進行計算，經過三日三夜不眠不休，得出結果是👉每日8毫👈。
荀到咁樣，當然第一時間千里傳音比幾位前輩，問佢地要唔要啦。
千里傳音後得出結果，一次過買半打，3張自己，另外3張分別係屬於👉鐵掌水上漂裘千仞👈、👉奔雷手文泰來👈和👉西毒歐陽鋒👈。
食用日期
購買前緊記睇清楚食用日期，否則事後先知過期就無仇報，留意上面印著年尾就無效架喇，得返四個月，所以如果一個人用，就唔可以買半打咁多了。
開通
插卡後透過手機撥打👉🏻 *101*114*1# 👈🏻開通，立即就用得~~接下來會收到飛鴿傳書通知。
8+2=10
飛鴿傳書內容如下圖所見，除確認30日內的基本 8GB 流動數據外，還確認開卡獎賞送的 2GB 流動數據，即係30日內可用到合共 8GB+2GB=10GB 數據流量，內容也有提到，先扣獎賞送的 2GB，然後再扣餘下應有的 8GB 流動數據。
SIM卡1 接上原用的是3仔台儲值卡，我都唔係好記得上次充值係幾時，無響好耐了，就算響都係問我想唔想性交轉運，又或者想借銀兩比我的內容，邊會有人對我咁好丫，人類一般都係用 app 找我的。SIM卡2接上後，可見 Your Mobile 字樣。
Tethering
這卡理所當然地支援分享 Wi-Fi ( Tethering 功能 ) ，平板電腦就是靠手機分享出來的流動數據上網，也是對我來講的一個方便。
每日8毫子，仲要分比細佬妺? 唔係窮到咁下化?
測速
透過 Speed Test 也可看到正使用 csl 網絡，對睇串流影片著數，但批量上傳圖片或影片就不利了，由於流動數據對我來講一般都只係用作社交平台發幾張相，Youtube 都係收看多過上傳，上傳網速相對比較慢，我是完全收貨。
測速呢家野，大家明白，不同時間，不同地方，便有不同測速結果，測100次都可以不一樣，所以唔好太認真，透過 Speed Test 分段結果如下。
每日8毫子 一張上網卡，仲要用錶度?
個人評價
個人用量每月約 2.5GB 上下，我自問就無本事在30日內用晒 8GB，仲講 10GB 添?透過上述測速量度，對我平日使用習慣來講，非常足夠。包幾多分鐘語音通話?唔係下化? 收每日8毫 4G LTE 流動數據，仲問包幾多分鐘語音通話?
包裝
包裝正面是這個樣子。
背面樣子。
打開內頁可見介紹說明，而SIM卡身處右下角。
卡背可見過卡資料和密碼。
3合1 SIM
主角 3合1 SIM卡，支援 Nano、Micro及 Normal 是常識吧。
人除了用銀紙換厠紙外，仲會在一生中用銀紙換大量無色無味又捉摸唔到的流動數據，真係幾悲哀。
:全文完 :