圖 / 文 : 巴斯
孔子曰:Poor Man Pay Double 又一鐵證，上次用$24(買貴了$4)的索頭，用了兩次就軸心移位，即係$12用一次，呢個故事教訓我們，儍仔同7-11一樣，總有一個響左近，你眼前就是有一個，( SELLERY ) 其實都推出不少產品，或者我黑仔，10億個只有一個是有這問題，遍遍我碰上，又或者是我使用不當所引起，唔重要，總之再鑽唔到野了。
邊度跌低，邊度起身，即係邊度？鴨寮街囉，平野無好，好野唔平，越平越唔靚，越靚越唔平，$78係就係貴咗少少，但日本牌子有信心一點嘛。
打幾隻日本字就當日本貨? 唔係天真到咁下化~~~
有留意開五金工具的朋友，對 SUNFLAG ( 新亀製作所 ) 這品牌，不會感到陌生，他們的索頭、鑽咀、鏍絲鈚……..在鴨寮街不難找到。
SUNFLAG 👉直譯太陽旗意思都似係大日本主意稱號丫，去 SUNFLAG 日本官網用 JB-55 來找，在族譜都可見到真係有這產品，包裝樣子99%一樣，除了右下角的日本旗！
日本樂天 市場官網也不難找到有發售這產品，同樣在包裝右下角可見日本旗！
一百幾十買件工具，唔係搞到查三代咁複雜下化~~😒
日本樂天官網發售價是 743円稅込 ( 包含10%消費稅 )，即係幾錢港元?
背面包裝樣子。
但我手上所購入的包裝，右下角唔知點解並沒有日本旗，唔知係咪出口版呢? 唉……算吧。
$78 ( SUNFLAG ) 與 $24 ( SELLERY )，透過合照可見兩者長短並不一樣。兩者所能夾上的工具直徑分別是 :
SUNFLAG (1.5 mm – 6.5 mm)
SELLERY (2 mm – 6 mm)
SUNFLAG ( 新亀製作所 ) JB-55 接上 WORX WX 240 的樣子。
有了索頭後的 WORX WX 240，配件不再只受制於六角頭，大大增加了她的功能。
難得可用索頭，配埋其他小工具一起，發揮她的最大效能。
話口未完，由於我一時大意，把粉紅色漆油筆的墨，一個不少心滴在剛剛買回來的白色桌面上，立即用布抹，但無論我幾大力擦，都無法抹走，由於當時好驚，無影相，突然想起可用銅絲刷，配合電鈚慢速打磨，最後居然比我清理到，而且無損表面，真係一額汗呀，後來放大桌面的表面看，是佈滿坑紋，難怪用布去擦表面，無法清除，好彩有她們睇門口，否則…….
早前提過我最喜愛的膠盒， SUNFLAG 與 SELLERY 都可以放在裡面。
同場加料，臨離開前發現到這支售價$18延長桿，她吸引我是比起我一直用開的長，最重要是頭細很多。
計埋跟機來的延長桿，長、中、短齊章~~
她剛好能擺放在 WORX WX 240 跟機盒內，完美的存在。
:全文完: