圖 / 文 : 巴斯
一直用開的 Your Mobile CSL 4G LTE 流動上網月費卡用完，出開省城去補貨，老闆娘話無貨，推介我用數碼通，並說兩者一樣，只要信，不要問，一手交錢，一手交貨，走得。
賣點
30 日 任 用 本 地 4G 數 據
頭 2GB (傳 輸 速 度 最 高 21Mbps)，之 後 數 據 傳 輸 速 度 將 不 高 於 384kbps 直 至 下 月 收 費 日 。
包 通 話 管 理 服 務 組 合 : 留 言 信 箱 、來 電 轉 駁 、基 本 來 電 管 家 及 系 統 短 訊 轉 發 服 務
2000 本 地 通 話 分 鐘
$40/30日
同其他在鴨寮街所買的卡一樣，不是跟正價發售，這張卡實收$40港元用30日。
個人評價
轉 Plan B，雖然同樣是4G用30日，但她是無限上網，所謂無限是指首 2GB 傳輸速度最高 21Mbps，其後不高於 384kbps 直至下月收費日，我明白 384kbps 依然做到日常應該要做的事，每次上傳幾張相片去社交平台，影響不大，並可以睇到 Youtube，只不過以畫質換取速度，384kbps 是可接受的上網速度，雖然在速度上無可能跟 CSL 8GB 全程 42Mbps 流動上網卡相比，但勝在無限上網。
CSL (Your Mobile) 30日 8GB 高速 42Mbps上網速度(速度視實際使用環境而定)
SIM卡1 接上原用的是3仔台儲值卡，我都唔係好記得上次充值係幾時，無響好耐了，就算響都係問我想唔想性交轉運，又或者想借錢比我的內容，人類一般都係用 app 找我的，SIM卡2接上後，可見數碼通字樣。
Tethering
這卡理所當然地支援分享 Wi-Fi ( Tethering 功能 ) ，平板電腦就是靠手機分享出來的流動數據上網，也是對我來講的一個方便。$1.3 一日，仲要分享? 唔係窮到咁下化?
測速
透過 Speed Test 也可看到正使用數碼通網絡。
這張儲值卡並唔係什麼新野，只係我今日先使用，對睇串流影片著數，但批量上傳圖片或影片就不利了，由於流動數據對我來講一般都只係用作社交平台發幾張相，Youtube 都係收看多過上傳。
測速呢家野，大家明白，不同時間，不同地方，便有不同測速結果，測100次都可以不一樣，所以唔好太認真，利用行走中的交通工具，透過 Speed Test 綜合結果如下。
每日$1.3 一張上網卡，仲要用錶度?
個人評價
一張流動數據卡$40用30日，即係每日$1.3， 以日日都要用的流動數據來講，非常超值，平日用量每月大約 2.5 GB，對我來講用得過的，只不過 CSL (Your Mobile) 30日 8GB 高速 42Mbps上網速度，太強吧，用完之後會再投回 Your Mobile CSL 4G LTE 流動上網卡。
開通
這張卡，屬於可長期在香港使用的充值SIM卡，同時提供香港數據和語音服務，由於我並不需要用她來通話，只作上網之用，首次開通方式簡單，插卡後透過手機撥打👉🏻 *111*183# 👈🏻開通，接下來會收到短訊通知，用得~~
包裝
背面樣子👉購買前緊記睇清楚食用日期，否則事後先知過期就無仇報👈。
包裝打開後可見說明書，提到有關這儲值卡的其他數據套裝計劃，不同計劃用不同開通方式。
SIM卡正面樣子。
3合1 SIM
主角 3合1 SIM卡，支援 Nano、Micro及 Normal 是常識吧。
2000分鐘
這卡包含 2000本地通話分鐘，所以有這卡的電話號碼在背面可以見到仲提供大家很關心的來電轉駁、留言信箱。
人類除了用銀紙換厠紙外，仲會在一生中用銀紙換大量無色無味又捉摸唔到的流動數據，真係幾悲哀。
:全文完 :