圖 / 文 : 巴斯
這日到深水埗選購3.5吋硬碟👉冬豬 MG06ACA800E 👈, 8TB 7200轉 256MB 快取記憶體 Enterprise HDD 企業版，建達國際 五年保，購自匯訊，冇格價，唔知全港最
這個硬碟最主要是用作第二備份用途，格式化後立即做野。
硬碟讀寫速度方面，利用兩個大家熟識軟件作為參考。
五年保
資料一向都不會是單一備份，如果很重要的更加需要在第二備份外，再加上異地備份，死硬碟對我來講，遺失金錢與時間，引用孔夫子一句話，Poor Man Pay Double ，什麼意思? 係播，文言文大家又點睇得明呢? 😆Poor Man Pay Double 意思是貪平買老牛。表面上企業版貴過普通版很多，仟幾銀一隻硬碟，只要死一次，乜本都返來了，另一方面，硬碟最重要是可靠而不是平，歐陽修講過，平野無好，好野唔平，越平越唔靚，越靚越唔平，不要問，只要信，保5年唔會死完又死掛，就算係都免費續命，所以選擇5年保養企業版，禮成後立即去官網完成登記。
填完交表，官方話成功，等電郵通知。
翌日便收到官方接納了登記的電郵回覆。
為方便萬一某隻硬碟出事時，容易眾裡尋單送院，購買回來時，會為她們命名，單據上所改名稱和硬碟身上的一致，免除自己為每張單校對如核彈發射密碼一樣長的序號之苦。
而且在購買日期附近做搶眼記號，方便他日一步到位看到最心急想知的食用日期，👉其實我應該直接在單據寫上到期日👈。
當然這方法只適合有智障的我使用，一般人最多秒半就能在這堆👉保單👈找到正確的一張，無需用這低B技。保單有三年與五年，有什麼分別? 糧頭買5年，糧尾咪3年囉。😂
賠硬碟
我明白，明天一架貨車剷埋行人路的我，身首異處，到搞綠色殯葬，死無葬身之地時，賠幾多個硬碟比我都冇用吧，但如果唔係呢? 咁……..即係 The Show Must Go On 啦，賠硬碟是有需要的。
如果執笠點? 拿~~如果執笠的話……………咳咳…………即係咁，如果執笠的話………這個…..那個…….即係……….咳咳………
: 全文完 :