圖 / 文 : 巴斯
為用盡雙卡手機的優勢，平日都是一張純打電話卡，再配一張純上網卡，早前用了一段時間的中國移動上網卡，係時候換另一牌子試下了，在鴨寮街攤檔見到一張名為 Your Mobile 儲值卡 ， 30日提供8GB流動數據 ，圖中可見面額是每張 $78，攤檔實收每張 $45，即係每日 $1.5 ，如果一次過買兩張平多 $10 添。
要符合 30日提供 8GB 流動數據的話，是如圖所見，30日基本 6GB ，首30日可額外多送 2GB，成為6GB+2GB=8GB ，不難理解，即係30日後再續用呢張卡，就無額外2GB贈送了。
先唔好計2GB 額外贈送，單是 $40在30日內有6GB 4G網絡，對我來講都很是吸引，所以我一次過………用完一張換一張。
不過我無格過價，究竟係全鴨寮街最平定最貴我都不知道。
這張 Your Mobile 卡，屬於可長期在香港使用的充值SIM卡，同時提供香港數據和語音服務，由於我並不需要用她來通話，只作上網之用，插卡後透過手機撥打👉🏻 *101*114*2# 👈🏻開通，接下來會收到短訊通知。
當然有特別提示因為這卡屬首30日開通，所以額外多送2GB本地數據給用戶。
我呢D普通市民，30日用晒 6GB 都有點困難，仲話 8GB，不如在速度上有點保證比較實際吧，不同時間，不同地方，便有不同測速結果，透過 Speed Test 綜合結果如下。
測速過程，不難看到網絡來自 CSL 4G LTE 網絡。
透過手機設定可了解到1號卡槽是3仔台，2號卡槽是 Your Mobile 。2號卡槽負責流動數據，而1號卡槽負責撥號通話，一目了然，非常清楚。
個人評價
這張 Your Mobile 儲值卡並唔係什麼新野，只係我今日先使用，這張屬於 CSL 4G LTE 網絡卡，對睇串流影片著數，但批量上傳圖片或影片就不利了，由於流動數據對我來講一般都只係用作社交平台發幾張相，Youtube. 都係收看多過上傳，所以這卡的速度對我來講是非常足夠。另一方面，這卡理所當然地支援分享 Wi-Fi ( Tethering 功能 ) ，平板電腦就是靠手機分享出來的數據上網，也是對我來講的一個方便，今時今日 $1.5可以做到什麼呢? 以日日都要用的流動數據來講，$1.5一日的收費，對我來講是非常超值。
購買前緊記睇清楚食用日期，否則事後先知過期就無仇報。
Your Mobile 包裝正面是這個樣子。
背面樣子。
包裝打開後可見簡易說明書。
內裡當然還有關這儲值卡的其他數據套裝計劃，不同計劃用不同的開通方式，這裡還可見到主角 3合1 SIM卡，支援 Nano、Micro及 Normal 是常識吧。
人除了用銀紙換厠紙外，仲會在一生中用銀紙換大量無色無味又捉摸唔到的流動數據，真係幾悲哀。
:全文完 :