圖 / 文 : 巴斯
位於新宿擁有四層的 Tower Records ，是唱片迷必到景點之一，最吸引就是頂層面積達 6000平方呎的黑膠區域，新宿 Tower Records 位於JR新宿駅東南口的 Flags 大樓，方便到無朋友，圖中可見，一步出JR新宿駅東南口，側邊就是 Flags 大樓。
圖中所見，Flags 大樓對到正樓高6層的驚安の殿堂，最好就係跟太太或女友兵分兩路最佳地點，無牽掛下，就可以慢慢一個人寫意地掘唱片喇喂~~~~👉🏻😜
電梯大堂可見水牌，提示大家樓高10層的 Flags 大樓，那4層屬於Tower Records 的版圖。
到達頂層10樓，電梯門打開後兩個大門口等著客人，可粗略理解左手邊是二手區和右手邊全新區。
扶手電梯附近都有平面圖示，睇完黑膠唱片，還有其他三層等著挖掘，攻略第一步，當然去洗手間排洪先啦~~😜👈🏻
雖然門口有兩個，但無論由那一個入口進入，都屬同一開放式空間，這個角度是全新黑膠唱片。
這角度望過去，由穿藍色衫的顧客開始，就是二手黑膠唱片範圍。
在牌上有很清楚字眼表示這個範圍都屬於二手黑膠唱片。
有提示客人中古唱片可以試聽，如想試聽可找工作人員求助，暗語係👉🏻我愛深田恭子👈🏻。我作大?😏 車~~大家都唔識日文，點知我作大? 嘩哈哈哈~~~😂😂😂
斉藤由貴的細碟👉🏻情熱👈🏻，原價 700円(約50港元)，二手現價 300円(約21港元) ，未計10%消費稅，情熱又唔係好好聽，不過不失咁囉，不過我都無唱盤，送比我都無用。
在二手區內有見到一對巨大喇叭。
透過這角度會看到倆者大約擺放距離，透過穿藍色衫顧客的身高和唱片架高度，可大約猜想到何解喇叭放在高身底座上。
喇叭上有提示眼看手勿動，ALTEC LANSING 的 Voice of the Theatre ( 戲院之聲 ALTEC A-5 )，跟黑膠唱片同樣屬於上世紀架啦。
靚仔嗎?古懂野，襯返黑膠唱片我明白，但點解會用戲院喇叭呢?用戲院喇叭聽兩聲道靚聲D咩? 定係好Feel呢?唔明，完全唔明。
ALTEC LANSING 的 Voice of the Theatre 貼紙。
仲有提到產地來源。
翻新粗糙?喂~~唔好下下用細井研志級數去比好唔好? 求求其其油下咪算囉。
單元方面，單元方面呢…..就…….咳咳……..這個嘛…….。古懂係咁架啦，咁先有歲月痕跡嘛。😂😂😂
每次見到單元被人篤成咁，就好自然想起 Youtube 有熱心市民教人用膠紙黐或用吸塵機吸的方法，雖然好搞笑，而且未能夠100%還原，但你有無更好方法先丫?😏
6000平方呎面積，要夠聲的話，單靠一對 ALTEC A-5 是不足夠，所以店方擺放多一對 JBL 4429，一隻擺放在二手黑膠唱片區。
另一隻放在精品區增加聲音範圍。
6000呎面積當然不是每一個角落都是黑膠唱片，有配件或其他精品的，底衫褲是其中之一，例如圖中給10吋黑膠唱片用的套為例，150円有10個，即係11港元有10個，未計10%消費稅。
呢套 DENON 組合正呀~~數碼與模擬集於一身，最喜歡個唱盤外觀設計，好有生活品味！
直驅唱盤有得試喇喂~~~提供埋耳機慢慢欣賞。
當時是剛剛推出了 MK 7，售價是9萬円。
有實物比顧客睇， 9萬円(約$6470港元) ，未計10%消費稅。
且~~~真係得個睇字，都無駁線。
萬眾期待 SL-1200GR 在門口當眼處， 14萬8000円(約1萬600港元) ，未計10%消費稅。
當時的消費稅，仲有幾日就由8%增加到10%，所以不停提醒消費者把握最後機會！💪🏻
上述提到的二手黑膠唱片區行完，可來到全新推出的黑膠唱片區行下。
當時剛推出，今日大家一早有吧。
彩膠細碟每隻售 2200円 ，即大約 $158港元，未計10%消費稅。
新宿 Tower Records 地址 :
東京都新宿区新宿3-37-1 フラッグス 7～10F
衛星圖
: 全文完 :