圖 / 文 : 巴斯
限時優惠
近日跟香港寬頻的合約完結 ( 100Mbps 寬頻月費 $258 )，剛好見到中國移動宣傳提到，凡於2019年4月30日或之前成功登記「中國移動香港家居寬頻 1000」服務計劃，簽 2年合約，就可用月費$108享用 1000Mbps 寬頻服務。豈不是月費比香港寬頻平1.5倍？ 而且速度快10倍？~~~~爽爆啊。
見到中國移動，會使人想起是否會自動備份去大後方?如果係就好喇，可以比國家隊知道我真正身份係蜘蛛俠，咁我就。。。😂😂😂😂不過無人答到我有冇後門，其實有無都照裝。
賣點
以月費$108享用 1000Mbps 家居寬頻服務
免費獲贈 CMHK ONE Gateway 路由器乙部
豁免 $680港元安裝費
光纖機
雖然路由器免費送，但跟來的還有部光纖網絡數據機，呢部唔係送架，係借用，他日分手時，如果唔可以如期交出，就要賠啊。點賠法? 自己睇吧。
姓孟的
下圖所見就是光纖網絡數據機。機身不厚，容易收藏，要好好保護啊。
她不是路人甲，原來是姓孟的！
他日要賠就唔開心啦，不過無想過咁貴咁解遮，其實都可以理解的，既然分手，仲同你客氣咩。
贈品路由器
這路由器規格真心會用，其實送得比用家使用，傳輸當然係達 Gigabit ，並提供無線 2.4GHz ( 300Mbps ) 與 5GHz ( 844 Mbps ) 雙頻道。贈品唔代表垃圾，否則唔係玩客戶，係玩佢自己，其外觀靚仔，見得人拜得神，智慧與美貌並重，總之不反感。
透過背面可見提供 Gigabit 連接埠。
如上述提到，這路由器提供無線 2.4GHz ( 300Mbps ) 與 5GHz ( 844 Mbps ) 雙頻道。
安裝師傅
門市部的工作人員安排師傅隔一天就上來拍門，而且安裝好快手，又有禮貌，線槽位內有很多線，空間很窄，大大增加師傅拉線難度，但師傅沒有不滿，默默完成任務，感激~感激。
由於我心目中第一志願安裝位置比較遠，需要索取長一點線材，師傅完全無黑面，基本上我要幾長，他都笑住咁剪比我。
測速
用大家平日用開的測速方式，這結果你滿意嗎?
不滿意? 明白的，但我就非常~~非常~~極之滿意，月費 $108 就可享用到上下載 1000 Mbps 寬頻服務，月費比香港寬頻平1.5倍，而且速度快10倍啊~~~~爽爆。
心水清的朋友一定知道，無可能是中國移動自己直屬光纖線，他必定是租用香港寬頻的線吧，在另一個測速介面上可見到來自香港寬頻的資料。
再用第三個測速的資料顯示也是一樣。
140吋 16:9 ，Youtube 全屏欣賞。
Netflix 都唔係問題，不過……Netflix 我無興趣的。
交換式集線器
贈品路由器只有3個位輸出，好明顯唔夠用，所以要另加集線器。
一直用開 Cisco SG90D- 08，今次試下用散熱效能比較好，屬於金屬殼的 NETGEAR GS308，她同樣是能提供全數8個位同達 Gigabit 連接埠。正所謂愛祖國用國貨，要舔共先淘寶， $185人民幣 ( 約 $216港元 )。
香港有售
Netgear GS308 在香港境內買行貨又得，水貨都唔難買到，格價網一目了然。
交換式集線器
淘寶商戶在廣州發貨到位於深圳的集運中心，等齊章後再運來樓下自取點，外盒只有基本的天貓膠袋保護，外盒難免有傷痕。
開盒後見到內部無事。
由於不是香港行貨，自然付上不合符香港標準規格的兩腳火牛吧。
身上可見介紹她提供全數8個位同達 Gigabit 連接埠。
要發揮最佳效能，當然要配合埋 CAT.6 線吧。下圖所見是在腦場以每條 $55 購入的 CAT.6 線，每條 7米長，
