圖 / 文 : 巴斯
高円寺距離新宿只不過四個站，十分鐘車程就到，如時間許可的話，都會抽空來到。吸引我來其中一個理由是二手唱片店，高円寺本來有3家二手唱片店，11月份再來時，發覺只餘下兩家，另一家被古著店所取代，幸好最吸引我的一家 RARE 還依然存在，她身處在一個完全不起眼的迷你商場，下圖所見就是名為高円寺街的迷你商場， RARE 二手唱片店就在內營業。
無論膠地板、樓梯包邊位或店舖所售賣的物品，彷彿被
黑膠唱片
RARE 有兩個門口，剛提到是商場正門入口，以下我們在RARE 側門進入參觀吧，來到側門可見大量二手黑膠唱片擺放門外。
100円細碟區
這裡有一大堆只售 100円 ( 約$7港元 ) 的細碟在這裡歡迎著大家，呢堆野每隻拿出來望一望都花不少時間。
佢兩個值唔值100円 ( 約$7港元 ) ? 你話呢? 香港無可能用呢個價錢買到囉。
500円細碟區
掘完 100円區之後，門口另一邊仲有500円 ( 約$36港元 ) 3隻的細碟，買一隻都得架，不過要 250円 ( 約$18港元 ) 呢度數量都唔少，每隻拿出來望一望都要一點時間的。
喂~~~呢隻好熟口面啊。
100円大碟區
細碟唔合口味? 咁12吋大碟丫，呢個範圍又係100円 ( 約$7港元 ) ，唔買都睇下喇喂，不過隻隻睇一眼都要相當的時間，講咁耐仲未入到店鋪。
店鋪內還有黑膠唱片，咁當然唔係 100円吧。
店內黑膠唱片
話晒昭和歌姬之一中森明菜，這兩隻黑膠唱片，分別係 1200円 ( 約$86港元 ) 和 1000円( 約$70港元 ) ，平唔平? 你話呢?
這裡的黑膠唱片存量都不少架，不如又一隻隻拿出來望下丫?
雖然這裡擺設充滿著80年代氣氛，但我每次來都並不是播放昭和年代的日本歌曲，反而是播 Jazz為主，作為遊客的我來講，覺得播80年代日本歌曲氣氛會更好。
二手CD區
其實店舖外也有100円 ( 約$7港元 ) 二手CD區，不過數量不是太多。
店內這個側牆位置，有一定數量CD可找到。
圖中所見通道都可找到二手CD。
年齡層品種範圍都好廣闊架。
洋人的當然會有吧。
電影原聲區
這裡當然有我最喜歡的電影原聲區啦，照慣例都係食白果的。
1200円(約$82港元)，有側紙，老闆評級保持質素
賣豬仔?
掘掘下居然掘到星夢情真？呢隻我都有，仲跟埋張 sim card，當然過期N年了，只有收藏價值。何解被賣去扶桑架？仲要賣成千円？被評級保持質素為A級，同場李惠敏都有入鏡，後來還見到周慧敏的港版CD天。
卡式帶
在其中一個區域，可找到一些卡式帶。
佢都有架。
除了卡式帶，還可找到 3吋 CD。
安室數量都不少的。
高円寺好易去
乘坐JR総武線可來到高円寺，透過乗換案内這個app，輸入起點和目的地，個app就會話你知列車幾點開出，幾多號月台上車和落車，幾點到步，需時幾耐，途經幾多個站，是否要轉車，座邊條線，幾錢收費。。。下圖所見，以新宿站做例子，一目了然。
到步後列車在橋上停站，目的地在地面。
這裡只有南北兩個出口，RARE 就是在圖中右手邊最遠處橋底位置，非常易找。
離開出口之後，不難見到 KOENJI Pal 這個高円寺商店街的牌，向著她步近就可以了。
來到高円寺商店街的牌下面，就可以見到迷你商場入口了~~~~
高円寺街的迷你商場入口，步入盡頭的樓梯後，就可見到 RARE 二手唱片店。
上述提到過的側門入口，就是由這家KFC 的路直行約 30步就到達。
透過這圖可大約猜想到店內大約面積。
這個迷你商場，充滿著80年代味道。
RARE 二手唱片店在東京一共有四家店，高円寺是其中一家，有興趣可到官網參觀。
