圖 / 文 : 巴斯
早前所用玻璃貼，除邊位刮手外，後來指紋識別命中率漸漸下降，而且邊位累積很多礙眼塵埃影響外觀，早前更發現手機在無跌過，更無跣手情況下，玻璃貼會自毀，平日使用習慣都只是放褲袋，不明玻璃何解會自毀。
自毀位置有多處，包括下圖所見電源鍵附近。
下圖所見，瀏海位置附近都見到自毀情況，而且不難見到玻璃貼邊位有好多塵埃堆蹟。
自毀位置還有下爬對上位置。
再細心看不難見到一條長長裂痕，留意邊位所堆積的塵埃嗎?
見到塊玻璃貼搞到咁惡劣，忍唔到手立即撕走玻璃貼，留意邊位所堆積的塵埃嗎?
塵埃有夠嘔心的嗎?
由於玻璃貼有一定黏力，所以我開始掘摺，連皮帶肉扯當然更裂得利害吧，但唔重要啦。
玻璃貼撕走了，留在機面上的塵埃有夠嘔心嗎?
我雖然無潔癖，但見到呢堆野，我的強迫症就發作，好想第一時間掃走佢。
立即用大掃來掃走大粒有刮傷性的塵埃，然後再用靜電抹紙抹去餘下嘔心塵埃，嘩~~~一抹完表面上的塵埃，那個屍服晒的療癒感，好難形容比你知。
受夠了
究竟玻璃貼，點用先唔會裂架?
葉師父，真係唔會講咁易架，你有所不知，係第二塊來架喇。呢塊玻璃貼，在另一家店鋪，由另一位店員貼，無論貨源或是個人手藝都不一樣的。但係過幾日咪又係自毀，呢張無上述那張咁多處傷痕，只係下爬附近位置除了崩，還有一條曲呎裂痕之嘛。
今次呢張好順手，一提就成塊起，你睇下邊位的塵…….噢撈。
整塊起出。
除塵後靚仔晒，其實手機一向都無貼屏幕保護貼，又唔見有問題，今次華為又做乜要貼呢? 玩完一次又一次。
我真係受夠了，可能玻璃貼根本不適合我呢類人用，我無聽到其他人用玻璃貼有呢個問題，明顯係我個人問題。裸屏手感無邊位刮手之餘，指紋識別又準確，更不會有嘔心的塵積在邊位，正所謂本來無一物，下句自己填啦。裸屏後從新做指紋認證，確保識別準確性，現在用得好開心，我無興趣開那些什麼獨立死因調查委員會，總之唔好再搞我了OK~~。仲有!!!唔好再同我講玻璃貼，我連個貼字都唔想聽到，係咁多!講完~~~~~~
