圖 / 文 : 巴斯
心水清的朋友一定有留意到我光顧 centralfield 砌機單上沒有看到主角 4K UHD光碟機出現。因為黑仔王嘛，話要就有咩，總之要的時候就係無貨，連 centralfield 都無貨，你話黑仔唔黑仔呢，未算，高登黃金都撲唔到，上網找香港那裡有售同樣是找不到，唯有先砌機，撲到盤再自己事後安裝吧。睡醒去安倍晉三個場睇下有無，kakaku自然是目標網站，首選 Pioneer UDP-LX500 ，噢撈！呢部機太火紅了！口快快講錯，應該係 Pioneer BDR-211JBK 先真 ，找到最平 1萬2888円可買到。
1萬2888円即係幾錢港幣? 自己睇丫。
於是打比 安倍 叫佢幫我買，佢話無問題，仲話派日本自衛隊運送比我，佢話如方便的話，叫我幫佢宣傳下自衛隊近日請人，無所謂啦。
安倍當然派空軍來啦，難道經海軍咩~~~~佢話中途遭解放軍三次導彈攔截，最終逃脫，成功空投救濟品到我家。你信嗎？我信！我真係信。^^
有 安倍 幫手 BDR-211JBK 好快到手，實物包裝盒好靚仔，並印有各個賣點。
這是背面樣子，左下角有提到跟機付上第三方播放和燒錄軟件。播放得架喇，燒錄與我無關。
BDR-211JBK 支援 4KUHD /Bluray /DVD/CD播放與燒錄。盒身上也印有讀取與寫入倍速規格表。能讀寫 BD（單層 25GB / 雙層 50GB）和 DBXL（BD-R XL：三層 100GB、四層 128GB；BD-RE XL：三層 100GB）碟片，最高支援 16 倍速 BD-R 寫入（單層 25 GB）。
產地來源可在盒身這個位置見到。
防撞保護設備良好。
盒內物品全數係得咁多，一目了然。
正面樣子靚仔，當然有 ULTRA HD 與 支援 BDXL 的紋身吧。
背面可見到 SATA 與電源接口。
說明書全日文，看圖識字，不過裝機唔需說明書都可以吧。
跟機還付有方便用戶作 4K UHD 播放的 PowerDVD 14 軟件 ，哈~~~你估佢能支援HDR 10 嗎，還提供 Power2Go 8、ProwerDirector 14 LE、Label Print 2.5 等軟件進行燒錄。
機尾可見蜂巢氣流穩定結構，日版機當然希望用日版 LUCY 來開光吧。
