圖 / 文 : 巴斯
上海行5日，向深水埗賣卡專門店鋪老闆查詢，第一志願是使用5日，大約 2-3GB用量，3G/4G上網，需要 wi-fi 分享，最重要當然是必需上到 Facebook 啦，講完。老闆二話不說立即給我這張名為 4G/3G大灣區10日儲值卡。喂~~我去上海，不是大灣區啊。原來所謂大灣區只是噱頭，其實上海或其他中國城市通用的，中國領土完整丫嘛，明白，明晒。
面價 $148 ，無可能正價幫佢買吧，這卡整個深水埗鴨寮街的攤檔均有發售，我無空一一格價，光顧公廁前的這間專門店就算，究竟係全鴨寮街最平定最貴都唔知，盛謂 $100 港元，多謝老細~~~~。
賣點
開通當日不計算在內，咁即係10日卡當11日用，多謝晒啊。
使用香港IP位置，沒有任何網站及APP使用限制，三地皆可自由暢用Facebook、whatsapp、Instagram等
內含10日中港澳共用：2GB數據服務 + 100分鐘通話 + 100個短訊，咁即係又可以打電話，又可以上網。
3合1Sim卡設計，毋需登記，即買即用。
支援數據共享至其他裝置。
係咪如老闆所講，做到我第一志願的種種功能呢 ? 究竟有無伏架? 我信晒老闆，無買後備卡，到步後係咪真用到架，唯有去到上海先知了。以下先來個開箱分享吧。
附費前，當然最重要係睇睇背面食用日期，萬一買了過期卡，無仇報啊~~~
體貼地附上針插。
打開後是如圖這個樣子。
附有溫馨提示，使用時，緊記開數據漫遊。
初次設定要靠佢。
還有更詳盡的說明，其實開通張卡真係要講咁多野咩 ? 你咪嚇襯人啦。
可見這張 Sim 卡可分成 Normal Sim，Mirco Sim 和 Nano Sim ，連針插都免費附上，很體貼。
V20不需要插針，可直接放入sim 卡。
雙卡雙待的V20，側面用作擺放這卡的位置。
