圖 / 文 : 巴斯
由 Jennifer Lawrence 影后主演的 Red Sparrow 紅雀特工，氣勢如虹 ，上畫無幾耐就在 bluray.com 見到有 4K UHD 以美金 $24.99 預售中。
且~~~幾時出都未知，所謂預售都係算吧啦。
我都唔執輸，在家中搶先以140吋屏幕收看紅雀特工。
出發前，先在 Youtube 收看預告片，嘩哈哈哈~~~唔好打，唔好打……嘩哈哈哈…….拿，你都有在 Youtube 看預告片吧，我都一樣被深深吸引著。
個人評價
宣傳上不停提 Jennifer 在這片全裸演出，我真想問有邊位未見過 Jennifer 全裸呢 ?早前她 iCloud 被入侵，其裸照成個互聯網都係。我相信買票入場的朋友都係想睇 Jennifer 演出而不是想看她露點吧 。可能我幻想力太豐富，誤以為這電影跟本世紀初一套名為赤裸特工電影接近，但原來我把劇情片，誤以動作片看。
伏到見骨 (不劇透)
節奏慢，齋講，講講講，不停咁講，與我幻想跟赤裸特工的動作打鬥式電影落差很大，片長 2小時19分，我都數不清楚自己轉了多小次坐姿，片中也有不合理情節出現，但我明白看電影不能太理智，所以都忍受了，咁多文戲，是否 DOLBY ATMOS 又有乜所謂呢?浪費了 $120票價之餘，更浪費了寶貴時間，現在再撥時間來圖文發洩，唔知為乜。放映期間，在我視線範圍內先後有三對男女中途離場，沒有後眼的我就留意唔到後面有無人離開了。不過散場時，後面的三男女大讚這電影拍得好，後來在 Facebook 見到各街坊傾倒式大讚這片，我……應該去看醫生嗎? 睇返導演業績，噢撈，只有 I am legend 一套係我喜歡，其他都不是我杯茶，對這電影我有四個字評價，伏到見骨。
紅海與紅雀，好明顯我選錯後者，很後侮，唯有過幾日追看紅海，希望有驚喜吧。
這電影提供DOLBY ATMOS 聲效，圓方6號院自然是首選的地方。
