盲搶電

發佈日期: 2018年 02月 23日

 圖 / 文 : 巴斯


3

早前 Facebook 洗版式貼出有關洋人測試姨媽傢俬發售的 LADDA 充電池,效能比美 eneloop 充電池 ( 按我得到重溫 ),另外也有熱心市民用閃光燈比較兩者回電速度 ( 按我得到重溫 ),一時之間,全城盲搶 IKEA  LADDA 充電池。由於新春期間無法抽空去省城了解,今早先能加入盲搶電羊群,咩~~~~。

err


這日經過荃灣 IKEA,在位於燈飾部範圍內,大量 LADDA 充電芯在貨架上,有AA,也有AAA,而我目標是一排4粒包裝的 2450mAh AA電芯,售價沒變,依舊 $70 港元有找。

opop


手上舊有的 eneloop 充電芯早應退役,本來數月前打算去輻射國旅遊時,順道補貨,但奈何一直行唔開,亂葬崗內的電池,今晚可拿去環保回收桶處理了,謝謝你們多年來的努力,駐港部隊會鳴放12響禮炮多謝你們 ^^。


手上用了一段時間的 eneloop pro 都屬長者級別,IKEA LADDA 的出現,她們可退役了。


塞翁失馬,下句自己填丫,去唔成輻射國,今次可有更好平靚正之選,盲搶六排先講。


看清楚是否 LADDA  AA 2450mAh充電。


6排合共 24粒,不算多也不算小,一次過替換舊有充電芯。


正面和背面包裝樣子,


身上印有原產地字樣。


充電池輻射國所造,加上IKEA 發售,唔會爆炸掛,何況售價$70有找,便可買到一套4粒 MADE IN JAPAN 充電池,而且仲有 2450mAh,一排4粒 2000 mAh 的 eneloop 都賣 $98港元。回電唔好講快唔快過 eneloop ,究竟係咪代工,都唔重要吧。你睇人家買一千幾百萬層樓,都無見過實物就買,唔係買幾粒充電芯,要去機電工程處驗過先買下化 ? 無條件試用三個月,滿意先比錢好唔好?仲想咁多,有用就出手吧。

by Snoron.com


各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。


  avbuzz.com精神,人人毒我,我毒人人 ◆