35年前神檯級經典作品 Blade Runner，經過三分一世紀後，加個 2049 年份在後面推出續集。昨日來到旺角 DVD PRO 門前，見到最新推介碟片，被老闆換上呢套碟的海報，很是搶眼。
旺角 DVD PRO 老闆話呢套福伯作品4K行貨碟到步，比美版更早推出，美版幾時推出 ? 自己睇丫。
美版中文字幕 ? 下圖所見，在美版封背沒提到有中文字幕，太細睇唔到?
放大睇丫~~~
行貨版原生中文繁體字幕，自有永有，仲等美版嗎?
香港發行商很積極，推出多款版本，又Blu-ray，又3D，當然唔小得4K UHD，行貨除有普通版 4K UHD 外，還有大家喜歡的鐵盒版，不同之處是多了制作特輯，售價比普通版貴$48 ，鐵盒版封面好單調 ( 左上角 )，我最後選擇了普通版！其實套戲好冇睇架？唔好睇就拉人封舖 ^^。售價依圖位置對號入座丫。
$298 / $250 / $265
$245 / $205 / $132
多客人入來，都係買呢套，我見咁有氣氛，所以人買我又買。對我來講，當然無視Blu-Ray的存在。你睇，普通版封面靚過鐵盒版幾多，海報都靚架，不過老闆話得一張，正被他貼在門口作搖錢樹，唔可以送比我，唯有影相當擁有吧。套戲在 IMDb 有極高評價，希望我都滿意啦，不過上一套係 LD年代的片，劇情都無乜印像，老闆提意我買埋第一集，睇完再睇第二集。哈！免喇！
IMDb 有極高評分
續集導演由 Ridley Scott 換成 Denis Villeneuve，業績？自己睇丫，係咪好正呢。
不過我就非常擔心了，因為這位導演的風格，完全唔係我杯茶，尤其 Arrival ，對我個人來講，伏到貼地，當然外間也有人大讚 Arrival ，但唔係我囉。
節奏慢
我當然明白這不是動作片，160分鐘即接近2小時40分鐘，唔係動作片，全劇情內容，你覺得我點可能有耐性捱到咁長間呢 ?偵探式內容，悶到我呢~~~福伯接近完場先出現，我當然明白呢套戲唔係福伯擔大旗，但都唔係咁遲出場掛。唔緊要，好睇咪得囉，但節奏真係好難頂。
盡舉丫唔該
美人與美景
有美人美景，最終我都無出售這碟，雖然劇情唔係我杯茶，但萬幸攝影師或美術指導有料，每每在我頂唔順劇情時，片中也會有很多靚場景出現，最重要是有一條很討好我的愛情線，而這條愛情線的女主角 Ana de Armas ，靚到不得了，缺點只是比較細粒，每次在悶場之間有她的出現，我便精神為之一震。我強烈提議 Denis Villeneuve 轉拍愛情片，首推 Anne Hathaway ^O^ 我好肯定會比呢套好囉。一向表情不多的 La La Land 男主角 Ryan Gosling 在今次的演出如常一貫的演技，反觀 Ana de Armas 比他還要好。
透過MIDb 網站，可了解有關器材處理資料，一線發燒友，又會話唔係真 4K了。
萬幸這片有不少光影變化畫面，以 140吋投放 2.35:1 畫面 ( 約 135吋 ) ，在 acer V7850 投影機，配合 OPPO UDP-205 下的畫質很美而且有一定的震撼感，有很多場景極有欣賞價值。一開場就有眼球睇到，呢款拍攝手法相信大家都見到悶，而這個眼球絕對勝不過 Resident Evil 或 LUCY ，但4K下的這個眼球有一定吸引力，眼球的濕潤感和皮膚質感吸引。留意最近右手邊喇叭箱的眼睫毛，可幻想畫面有多大和她的解像力度之強。
Ana de Armas 樣子靚得死去活來，每每悶場中不時見到她，精神為之一震，也很喜歡她的演繹。
整套戲如上集一樣都是灰暗暗，今次都是如下圖所見環境，黑位或喑位出得不好的投影機主會好不開心。
劇情悶的時候，萬幸有這類眼睛吃冰琪琳畫質和場景。
大畫面下的高畫質特寫，可有效消減悶場所帶來的反感。
雖然片中大量灰暗畫面場景，但也有用上特色濾鏡。我攝影技術差，現場有更濃厚的橙色。
這黑位內的濕潤皮膚效果，在悶場提升了不少苦中作樂的畫面。
下圖是 Sean Young 35年前演的 Rachael 電影劇照，美人兒啊~~~~
35年後，Rachael 這角色再次出現在 Blade Runner 2049 ，我明白一定係用舊片造出來的特技，35年後演 Rachael 的演員 Sean Young 無可能不變樣的，所以明知係假，但效果超真實，一點假的感覺都無，更加唔會用矇鏡來遮醜，片段裡的 Rachael 畫質靚過當年啊。
圖為今時今日繹演 Rachael 的演員 Sean Young ，所以出現在 Blade Runner 2049 的 Rachael ，一定是由上集片段內拿出來再造後期處理所得來。
開箱
一睇呢堆貼紙，就知道是擁有中文字幕行貨版。
背面是如圖所見樣子。
買碟送藍牙耳機咁荀 ? 哦~~原來係抽獎，$399 耳機咁名貴呀，仲只係得12位幸運兒，這些機會不屬於我的，都係留返比有需要人仕喇。
開盒後是下圖所見，出現在眼前的右手邊是 4K UHD 。
拿走左手邊的宣傳單章後，可見到 Blu-ray 碟。
叻喇~~叻喇~~，Made in USA丫嘛，見到喇。
l望下隻Blu -ray的產地來源，奧撈~~~同iPhone一樣架~~開心嗎?
