無意中網上看到 ORICO 有一款名為 MH4PU 的 擴充 4位 hub ，USB3.0 就一定的啦廢話，售約 $17美元。
圖中可見銀色鋁合金很襯 iMac 機身。
背面圖可見夾緊在機背位置………..但………呢款咁Out的 iMac 機殼，Apple停晒產啦，新款弧背設計，夾乜。
我反而無打算夾在 iMac 身上，目的是夾在書桌邊。
在淘寶掘到在京東有售$69人民幣，即大約 $82港元 (未計運費 )
Orico 香港專賣店售 $98 ，你會光顧邊個呢 ^^
開箱前樣子。
跟機附上USB3.0 A to A 數據線。
超強的金屬手感。鋁合金本身就係金屬啦廢話。
如我幻想一樣，很方便就能夾緊在書桌上，在不太需要佔用到書桌面狀態下運作，夠晒慳位。
接線後有藍燈於眉心顯示，放心，亮度絕不影響到用戶，一來角度很窄，接近對正先看得比較清楚，二來其發出光度並不強。
最方便的就是即插即用，用完即走的情況，而且因為夾得緊，扙出USB手指時，底座都不會遙動，非常滿意。
四位之間的間距也是標準闊度，沒有互相阻礙之問題出現，四位同時運作當然是沒有問題存在。
四隻usb手指同時可見。
充電速度 ?用來救命可以的， 想快都係用火牛吧。
硬碟對抄方面，透過ADATA HV100 2TB 與 WD My Passport Ultra 2TB 兩款流動硬碟測速，個人都滿意其對抄速度。
