慘劇一再發生

無論平板或手機的機身厚度，都是設計師和科技人員每 mm 爭取得回來的心血，也是價值之一，我個人實在不忍在上面加上厚厚機套，無套運作風險當然是極之高，呢日終於要來了…………3 歲的 Samsung Galaxy Tab S 8.4 一個不少心由腰的高度跌下落地……….奧撈。

20170829_144037

3 歲對於高科技電子零件來講絕對是高齡，停產多時是一定了，幼稚的我打電話到樓下商場問價，回覆當然是無修理 Samsung ，何況係平版?上網問各位熱心市民，得到答案是 : 咁大塊玻璃，當然是過千元啦，嘿~~~付一仟元修理費與買過部新款，實在是人生交差點，我知一定又會有熱心市民問點解唔拿去深圳賽格廣場換臉，首先我唔知邊間信得過，而且上上落落深圳，仲要係專程去，自覺好麻煩，何況兩星期前去過，仲影了張到此一遊相天。話時話，華強北重開後，覺得比昔日盛世時靜了很多。
20170813_163910-01

人生交差點了一日，決定去位於旺角銀城廣場修理部報價再作決定，可能不是過千元咁悲觀呢，結果…………答案係$1800 港元，如果我咁樣都修理，我一定係傻咗囉~~~雖然工作人員有五星級酒店的極好態度，但我實在無法負擔呢筆醫藥費，再見…………Sorry，應該係永別先真。
20170829_153918

生意失敗 Look 拿著被毀容的 Samsung Galaxy Tab S 8.4 座電梯離開，來到樓下大堂，發現很多寄生在修理部，專門做修理的小店，不如問問小店有無平小小呢 ?

20170829_154437

我當然唔夠膽找樣子似成奎安或者陳小春咁款的店員查詢吧，尤其紋晒身那類，我一直好怕見到紋晒身的人，絕對唔夠膽正視佢地囉。

bc6e44fb6276d891359d74b76828a0f6

最後找了一家店員很親切而我又夠膽入去的小店光顧。

結果係 $680 港元搞惦，等一個小時就可取機，店員交機後問我是否需要購買保護貼或機套，我用了0.001秒時間搶答三個字，不需要。又過一關，謝主龍恩，願我皇萬歲萬歲，萬萬歲，小人告退。