圖 / 文 : 巴斯
九巴推出免費 Wi-Fi 有一段日子，時運一向低的我，上星期先有雞會碰到，在無心理準備之下，狼狽拍下登車一刻，位於車頭的標貼，在車廂同樣貼有相同貼紙。
座定定後，看看是否真有免費 Wi-Fi 找到，果然是有的，圖中可見名稱。
慣例要同意有關條款方可使用，所謂免費使用，是指每次能連續使用 15分鐘，有兩節時間給乘客使用，即係用完 15 分鐘後，可給續命多15分鐘，可理解成合共可使用30分鐘。
一經駁通，15分鐘便立即倒數，保留這頁，便可不時看看仲有幾耐用，留意到左上角提到供應商是 CSL 網絡。
數值上不錯啊。
大家都知，所謂測速並不代表什麼，呢個街口和下個街口網速，差距可以好大，得個知字咁解。
實測睇 Youtube 最好，找來大家熟識的 J Lou 女神，收看當時剛推出的性感食麵表演是否流暢，畫質當然是鎖定自動吧。
片長約7分鐘，無任何不順暢問題。畫質保持在720P，個人感到滿意。
個人評價
30分鐘車程短途上網屬不錯體驗，最後在這車程只用完第一節，第二節還有四分鐘使用，但我夠鐘落車，用唔晒。唔係有錢買手機，無錢上網下化?明白，我完全明白你的意思，體驗一下九巴Wi-Fi 吧無需激動。何況有朋友會在手機糧尾 時，呢30分鐘免費上網都幫到少少架，正所謂有得用唔用，和想用無得用係兩回事啊。
