圖 / 文 : 巴斯
話說上次有需要拆開藍牙喇叭身上的星狀螺絲，雖然呢類架生大家都一定會有，但一向網底蛙的我又點會有呢?
正不知如何是好下，剛好電工師父手上有相應螺絲批救我一命，今次好彩有他，下次呢 ? 所以買來睇門口係有實際上需要。
電工師父事後比了一條多功能螺絲套裝淘寶連結給我 ( 按我到官網 ) ，三日後貨到我家。
得手後，我沖了杯咖啡比自己，走到窗前來，我……覺得自己變成了張家輝……
雖然呢類多功能螺絲套裝一街都係，理論上無需要淘，因為我無時間，Click會快過我去街買，所以電工師父提供的連結好有用。下圖所見係目的地所介紹的45合1套裝。
又乜又物，又話有幾硬，什麼高溫處理…..附件仲話會轉灣天。
電工師父自己用的係銀色，質料看上去好像不耐用，而呢位商家說自己係什麼鉻釩鋼，仲要加強版，讀都未識讀，都唔知係乜材料，總之話係硬啦。
鉻釩鋼：Cr-V(HRC硬度>56)
成份含0.5%碳,0.8%錳,0.2%矽,1.0%鉻,以及至少0.15%釩的合金元素的合金工具鋼，其強度和韌性的綜合能力優於碳鋼，適合作為優質工具的理想材料。
是但啦，你話乜咪乜囉，難道驗過係咪鉻釩鋼先買咩，在淘寶搜尋多功能螺絲套裝關鍵字，傾倒式的多到爆裂。
又話 鉻釩鋼，長杆帶磁，防滑手柄，仲識轉灣，點勁點勁，又乜又物，45合1 都係 $23.8人民幣 ( 約 $ 28港元 ) 。
個人評價
收到實物時係咪 鉻釩鋼 我唔識分，只係知佢唔係最普通銀色，試用磁石係攝到批頭咁囉，起出和安裝過幾粒螺絲，批頭無崩無斷，就算係微細的頭，唔覺得單薄，用了一千幾百次之後會點就唔知喇。
收到實物在外觀上無任何投訴。
背面呢個表有提到有個夾，但我就找不到喇，究竟本身無，還是比人偷了就唔知，算啦，唔通報警咩。
配件都靚仔，起碼睇四正，45合1 收你 $23.8人民幣 ( 約 $ 28港元 ) 想點呢。
