奇妙電視中文頻道開台喇，不同類別節目由今日 (星期日 ) 開始排隊作出首播，如家中電視仲未見到有奇妙電視頻道 ( 頻道 77 )，快點重新搜台吧，Magic TV 用戶當然可即時收看或錄影奇妙電視所有節目。新屎坑，Magic TV 錄影功能會好忙，雖然奇妙電視不停播出節目簡介，但因為唔太清楚節目是否好睇，所以乜都錄，之後唔知有幾多節目會再錄下去，最終又有幾多會被剪輯成精選作為高清留底，作無限期重溫呢? 初步睇簡介，很多內容與話題，早前在其他電視台節目都看過，而且有不少節目內容與 Viu TV 相近，是否好看還是未知之數。吸引我的節目都是在黃金時段播出，與 Magic TV 本來預錄節目撞晒期，好彩奇妙電視提供重播，有機會比 Magic TV 在第二輪播出時錄影。
官網重溫
唔需要剪輯精選片段，又或者無錄影機，又撞唔正看直播，可依靠官網提供重溫。
不過今早去官網 Click 直播都未有野睇，重溫就更加無任何節目提供到，我估過幾日有掛。
如果接收不到，用戶可透過奇妙電視官網提供的「查核奇妙電視網絡覆蓋範圍」看看用戶是否在網絡覆蓋範圍內。如果本身是有線電視用戶的話，透過有線電視07 與 277 台，同樣可以收看到奇妙電視。
👉( 按我查覆蓋範圍 )👈
👉( 按我到官網 ) 👈
