Auro西遊伏妖篇

看過西遊伏妖篇預告後，被我自己評為賀歲垃圾片黑名單中，發誓不會入場睇這套垃圾片。

maxresdefault (3)

某日見到 Auro 官方網站所列戲院提供 Auro 聲效名單上，居然有西遊伏妖篇。 ( 按我到官網收看)

avbuzz00006

再去位於金鐘 AMC Pacific Place 網頁一看，果然安排這電影在 6 號院「AMC Plus」上映。而且係粵語，唔………..明知係垃圾片，但我想聽 Auro 效果啊，算啦，劇情可能垃圾，但都應該有打鬥掛。

avbuzz00005

幕紋消失

上次見到 6 號院「AMC Plus」畫面上所謂一格格幕紋，今次完全消失，好明顯院方有做野，值得一讚👍，畫面現在就算處於淺色或白色狀態，都不再存在上次所見的幕紋，舒服晒。

哈~~~今次係我睇咁耐電影，最能全程投入聲效的經歷，因為劇情完全無使我分神。呢套由星爺編劇和監製的作品，劇情真係講晒粗口，唔係劇情講粗口，係我講粗口 ( 我朋友講得仲多，年初一講粗口，你話有幾不滿。😡 ) ，星爺在這套電影不停重覆舊有手法，連開場都同去年作品美人魚一樣，劇情同樣都係入場睇表演，情節一樣係觀眾要回水，真係垃圾得好緊要。好彩這套電影有徐克做導演，一向天馬行空的他，配合非常不錯的特技，使到這電影叫做無咁廢。由於我來意只以官能上得到刺激為主，這點可滿足到我，如果一般觀眾就…….. ( 我朋友就係咁鬧，未散場都忍不住鬧 ) 。片中還要把經典插曲一生所愛填上不堪入耳的新歌詞，名為乖乖。

avbuzz00004

雖然劇本廢，但幾位演員做得很好，無論演唐三藏的吳亦凡、或者演悟空的林更新都做得很好，真係難為了他們，不知是否因為見慣了林允，又或者是她古裝做型關係，在這電影，我覺得林允很美，演出比美人魚為好。預告片見到羅家英負責配音，原來只係得十幾句，並唔係我幻想的重要配音角色，羅家英呀羅家英。

02649379885e1a0c1bd07f9b387bc68c

真正重要角色配音名單如下 :
吳亦凡 ( 唐三藏 ) 粵語配音：林一峰●林更新 ( 孫悟空 ) 粵語配音：譚俊彥 ( 狄新之子 ) ●巴特爾 (沙悟淨) 粵語配音：火火●楊一威/汪鐸 ( 朱悟能 ) 粵語配音：李尚正
avbuzz00002

片中特技真係做得好好，就算唔係打鬥場面，有好多場口都可以做Wallpaper。

6-23]
avbuzz00003

片長108分鐘唔算長，由於劇本太廢，感覺過得好長，動作場面不時都有，但打得最激烈是在後半部，以我打算來感受 Auro 聲效的話，可得到我要得到的東西，以Auro效果作比較，同樣靠震動座椅得到低頻感覺是滿意的，高樓底配合三層喇叭環繞聲效果也很明顯，但空間感和寬闊開揚感，我會投上次所看的長城錄音好一點。他日出碟當然唔會買，但拆肉去骨後所得的特技和用來爆機片段，朋友們都可以留意一下的。

0AEnk99epma

單日4億票房
這是開場前一小時的售票情況。你能用四字詞語形容一下嗎? 😂不過呢個評價係我個人感覺，事實呢？事實呢套戲在內地打破紀錄單日收約4億港元，就算獨立計算，香港票房都有500萬港元，所以鐵證上述我對這電影評價，實屬狗吠，大家可以不理。