上星期收到 DVD Pro 餓底傳來資料，他說本月19日會推出 寒戰 2 藍光碟，7月上畫，10月尾出碟，唔算快，又唔算慢。
Auro 3D版
本來 DVD Pro 一日返咁多碟，隻隻碟都報料真係好唔得閒，不過呢套唔同，係香港首隻自己做的 Auro 3D 聲軌藍光碟，買了對應 Auro 3D 器材的朋友，無奶油唔買呢隻咁有代表性的碟下化?
還記得7月在香港戲院上畫時有幾個版本選擇，除 2D、3D、3D IMAX ，仲有 Auro 3D 版，睇套戲遮，有選擇障礙症的朋友就慘喇~~
限量版筆記簿
百老匯戲院開畫當日，首 100名購票，可得到呢份紀念品，朋友知道我喜歡，第一時間親身去買票，留意係親身去戲院買票，天啊，好耐無親身去戲院買票了，一般都係預早篤手機買，感激，感澈，再感激。
3D IMAX 版
買了普通版戲票，自然無選擇其他版本。何況我唔受得 3D ，所以3D IMAX 版本與我無關。
Auro 3D版
Auro 3D 聲軌藍光碟市面上也有一些選擇，相信不少朋友早就擁有了，片種對大部份的朋友來講非常吸引，並流哂口水，但口味一向古怪的我可不一樣，大部份都不合我個人口味，由Auro 3D 官方網頁上掘完再掘，就只有 Red Tails 有興趣。其他就。。。。萬幸寒戰 2 係一套不錯電影，值得因為劇情和 Auro 3D 聲軌而擁有，今次推出香港首隻 Auro 3D 聲軌藍光碟，很想聽聽是如何效果。
