遲買平幾仟

圖 / 文 : 巴斯

先買先享受，遲買平幾舊……….Sorry 對 android 機來講，遲買應該平幾仟，但燈蛾往往總是撲火。終於來到 LG V20 公開發售的日子了，中午飛撲去取預訂機，最後決定在銀、黑鐵灰 ( Titan ) 、粉紅三隻色當中，鎖定黑鐵灰 ( Titan )。步入店內看到………啊，有好多人訂購了。

出示單據後，店員立即幫我辦理，並跟進 24個月保養程序，不過還需要我自己上LG 官方網頁登記，方會生效，並要在11月6日前完成。另外，店鋪提供一塊免費 Mon貼，並為客人貼上，我當然照單全收，多謝啊。

特快充電技術

要數現今為手機快速充電技術，以 3200 mAh 容量為例，由 0% 至 100% 只需 1分鐘內完成，暫時應該無其他充電技術可比。呢項技術就係對換電池喇~~~嘩哈哈哈~~唔好打~~~唔好打~~~嘩哈哈哈。所以手機可換電池是不能缺少啊^^ 。非常滿意官方在首日發售時，便為客人提供一充一電套裝，即場買埋 $250 ，俾你啦，唔係所有手機都可以對換電池架嘛 ^^ 。昨日店員未能答我是否有售，今日給我答案了。有兩塊電在手，那份安全感好難跟你解釋。下圖最右手邊的就是即場買埋的一充一電套裝。

開箱圖

回家開心影開箱圖，圖中四件東西，左手邊兩件是自購，右手邊兩件是店鋪贈品，都是實用東西，一個是剛剛提到過的 Mon 貼，另一個是機殼，唔……小弟生平最憎機殼，設計師千方百計，嘔心瀝血，方能為機身爭取多薄 1 mm，現在居然用個機殼來加厚佢，對我來講，加殼實屬不可思議。

本想問店員機殼有無得換返錢，唉…….食物變成大便，又豈能變回食物呢? 再講，就算變到你都唔食啦！免費送的 : 傻仔。

你睇佢個樣，如果我用在 V20 身上，秀文 BB 同石原里美一定唔會同我講野囉 ~~~>.<~~~

個盒夠簡約，非常適合我低調性格 ^^

知喇~~知喇~~ 韓國造丫嘛，叻喇。

把內盒拉出，可見有 life’s good when you play more 這句口號，你媽是女人? 唔洗做齋玩喎，當然開心啦~~~~

把盒拉直，分三個部份，左邊手機，中間充電，右邊耳機。

移走手機可見下層擺放著跟機付上的電池。

電池

V20所用電池是下圖所見 BL-44E1F ，容量 3200mAh ，比 V10 ( 2900mAh ) 電量多了一點點。浪子性格的我豈會用尿袋咁老土? LG 是現今旗艦機難得保留可換電池的手機。多謝貴公司保留可換式設計，拿~~~我第一時間幫襯妳，無買副廠電架喇，是真心支持妳。妳唔好他日推出 V30 時失去呢個功能呀。