圖 / 文 : 巴斯
雙後鏡頭設計
LG V20 提供合共三個實體鏡頭在機身上，包括一個前鏡頭，和兩個後鏡頭。前置實體單一鏡頭為 f/1.8 光圈 , (120 度廣角) 500 萬像素鏡頭，可透過軟體達到模擬 83 度標準廣角。所以前置實體鏡頭需得一個，但同樣能提供兩個角度 ( 83/120 ) 的成像效果。下圖所見，就是前置單一實體鏡頭，但可拍出兩個不同的角度來。
後鏡頭一共有兩個，分別為1600 萬像素， f/1.8 光圈 ( 75 度角 ) 鏡頭，和另外一個 800 萬像素F2.4 光圈有 135 度超廣角鏡頭。下圖所見就是最吸引我的兩個後鏡頭，尤其那個擁有 135 度超廣角鏡頭。今集只和大家分享這兩個後鏡頭效果，而前置鏡頭，容後再談。
透過以下對照表，可大約對三個鏡頭有基本的了解。
兩個鏡頭要切換實在太方便了，零難度，篤下就切換到，而且反應非常快，完全唔會覺得麻煩。
以下相片沒經過修圖
只是縮小作網頁觀看
75 度角
1600 萬像素鏡頭， f/1.8 光圈， 75 度角沒什麼特別。唔準移動，留在原位，立即切換超廣角鏡頭看看什麼效果?
135 度超廣角
原地不動，立即切換鏡頭吧，嘩~~~~~135 度超廣角超嚇人啊~~~~縮腳啦，腳都入埋鏡呀喂~~~好震撼喲。不過這個鏡頭只有原本鏡頭的一半解像度，即只有800萬，光圈沒有f/1.8，而是 f/2.4 ，如只屬 Share 性質一定沒問題，放大做 Job 就免問喇，其實手機來的想點呢?
75 度角
在雙層巴士上層窗外見到佢，用1600 萬像素鏡頭攝佢魂魄，f/1.8 光圈， 75 度角夠距離了。唔準移動，留在原位，立即切換超廣角鏡頭看看什麼效果?
135 度超廣角
原地不動，立即切換鏡頭，嘩~~~~~ 135 度超廣角見到原來後面有車，唔……係咪狗仔隊呢? ^^ 連巴士的窗邊都入埋鏡，利害到呢? 不過這個鏡頭只有原本鏡頭的一半解像度，即只有800萬，光圈沒有 f/1.8，而是 f/2.4 ，如只屬 Share 性質一定沒問題，放大做 Job 就免問喇，其實手機來的想點呢?
75 度角
這是站在銀行門口前拍攝，1600 萬像素鏡頭， f/1.8 光圈， 75 度角下的完成品是這樣。不準移動，留在原位，立即切換超廣角鏡頭看看什麼效果?
135 度超廣角
原地不動，立即切換鏡頭吧，啊~~135 度超廣角鏡頭下，原來呢間銀行是在三煞位，兩邊行人路原來咁闊的，而且當時仲幾好天啊，一步都無後退過，篤下個掣就可以表達更多內容，正到無朋友。不過這個鏡頭只有原本鏡頭的一半解像度，即只有800萬，光圈沒有 f/1.8，而是 f/2.4 ，如只屬 Share 性質沒問題，放大做 Job 就免問喇，其實手機來的想點呢?
75 度角
1600 萬像素鏡頭， f/1.8 光圈， 75 度角沒什麼特別。不準移動，留在原位，立即切換超廣角鏡頭看看什麼效果?
135 度超廣角
原地不動，立即切換鏡頭吧，135 度超廣角鏡頭下，不但見到這個酒架是三層高，而且圖片是頂天立地，左右兩邊原來仲有見到通道的闊度，最離譜係見到左右兩邊仲有其他酒櫃，真係人都癲。不過這個鏡頭只有原本鏡頭的一半解像度，即只有800萬，光圈沒有 f/1.8，而是 f/2.4 ，如只屬 Share 性質一定沒問題，放大做 Job 就免問喇，其實手機來的想點呢?
75 度角
我身在行人路，身後是馬路，先唔好講後面有防撞攔杆，就算無，再退影響駕車人仕而發生危險，
1600 萬像素鏡頭， f/1.8 光圈， 75 度角鏡頭下，影到招牌，又影唔到招牌菜的名字。不準移動，留在原位，立即切換超廣角鏡頭看看什麼效果?
135 度超廣角
原地不動，立即切換鏡頭吧，135 度超廣角鏡頭下，不但同時影到招牌和招牌菜名字，仲有訂座電話，而且見到整間鋪面大小和放在門外的所有物品，而且表達埋店鋪左右兩邊都各有一條樓梯，實在利害啊~~~不過這個鏡頭只有原本鏡頭的一半解像度，即只有800萬，光圈沒有 f/1.8，而是 f/2.4 ，如只屬 Share 性質一定沒問題，放大做 Job 就免問喇，其實手機來的想點呢?
事物兩面睇
正所謂事物兩面睇，係咪100%時刻都需要超廣角呢? 以下呢張超廣角就唔係囉。
內容先決
75 度角鏡頭下，係咪比135度醒神好多呢? 所以係內容先最重要 ^^ 嘩哈哈哈~~~唔好打，唔好打~~~~我講事實吧。 ^^
配件代替品
想為手機配上超廣角鏡頭有幾難? 腦場又有，商場又有，一街都係，淘寶更大量有得篤。反而係要面對幾個問題，第一 : 記得長期跟身，唔記得帶就無得用，就算帶十日只用一次都好，總之記得每日帶，時時帶。否則錢比了，原來最後都係無得用，第二，每次用先夾上去，除非頂得住24小時 X 365日長夾住部手機，否則用的時候就要夾，用過的朋友都清楚知道唔係夾字咁簡單，唔該對返準個位先影得。影完拆唔拆? 拆~~~Ok 拆，三分鐘之後又有機會用，又再夾……Sorry又再掘返出來對過。第三係最重要，就是鏡頭成像質素問題，相信有用過的朋友，可看到以上V20 殖入體內的135 度超廣角鏡頭成像質素吧。基於以上三個問題，我個人係用唔到夾鏡頭的。當然大家也可以用 app 之類的軟件去駁相來做到，但用過之後，如非必要，都唔會做。
愛上超廣角
識我的朋友都知道我一直喜歡超廣角效果，所以手上70 mm 口徑鏡頭，鏡片組合為 12 組 16 片，4 片 ED，2 片非球面鏡，只有 300 克重量的燈膽仔最討我歡心。她體積細，但總比不上手機細吧。當然成像質素，LG V20完全埋唔到身，輸幾十條街，但只論方便，手機真係無得輸，要質素定方便，自己選擇吧。
135 度超廣角成像照
海闊天空下的成像影多好多內容，很難放棄的。
變形
當然要接受變形的成像，越近的物品，在左右兩邊會變形，如圖所見，右手邊的柱，在現場當然是筆直的吧，現在 135度鏡頭下，其弧度變形，又是否每一個人都能接受? 我? 我不是攝影發燒友， 對我來講，影到就可以了，再唔係，用手機 app剪走右手邊又有幾難。
方便
手機的方便程度唔需要聽我在這裡吠大家都非常清楚，就是方便，所以就算覺得趣味一般的，都可以影了先再算，但相機在背包? 唔需要影了，呢樣唔影，那樣唔影，咪無囉。我………其實唔明點解告食環處，又告佢什麼罪呢?張強~~~有人搵你 ^^ 嘩哈哈哈~~~
手機使用率最高就是這些行街購物圖片，方便就會多影幾張，1600 萬像素鏡頭， f/1.8 光圈， 75 度角鏡頭下的成像。
由於夠闊，納入鏡頭的內容就越多，滿足感自然大，更能帶來投入攝影的樂趣。
表達能力
這圖不是以超廣角鏡頭拍攝，是用1600 萬像素鏡頭， f/1.8 光圈， 75 度角鏡頭拍攝，留意這是隔著玻璃拍攝的，黃白分明，手機來講我滿意架喇。我只係想表達圖中鮮奶蛋白牛油皮與酥皮蛋撻的分別。
以 1600 萬像素鏡頭， f/1.8 光圈， 75 度角鏡頭拍攝，表達這鏡頭下的顏色表現。
以下是以 135 度超廣角鏡頭所拍攝的效果，手機成像來講，Share 用，非常足夠了。
135 度超廣角鏡頭下的黃埔站出口，表達到整個站的樣子和附近出現環境，非常滿意了。
黃埔地標就是這艘船，我的手機何曾一鏡過影到整艘船呢? 雖然我要走到對面的行人路先可影到整艘船，但如果不是135度鏡頭的話，還是影不到整艘長度來。
留意廚窗內的芭蕾舞衣，是小朋友穿的真實大小舞衣，可參考路人甲乙丙作比例。
75 度角鏡頭在廚窗前拍攝是這個效果。
用135度鏡頭的話，影多很多背景，而且一鏡過見到整套舞衣，試問我豈能回頭?
 |
 |
冒險樂園裡的三層高兒童架，用75度鏡頭成像是這個樣子。
一步不動，原地改用135度鏡頭呢?
呢類一鏡過的瞭闊效果，我是逃不出超廣角的世界。
整個碰碰車場影到出晒界有多呢~~~
雖然上述的圖文看似我滿意 LG V20的硬照表現，但…………不錯，又來到但的時候，部機出現一些使我非常不滿意地方，上述的評價，立即大打節扣，什麼事?
待續……………
