上月網上大量來自各國 LG V20 評測報導，以排山倒海式傾倒到世界每一角落，試問邊有人仲唔知 V20 功能和賣點? 無論網上影片又好，硬照又好，大家睇到漏，今日 ( 10 月 20日 ) 香港終於舉行記者發佈會，就是要宣佈香港即將發售 V20 行貨了~~~~唔好講咁多，作為 LG V10用家的我來講，最關心幾樣野 :
第一 : 港版V20是否如V10一樣提供雙卡雙待?
第二 : 有無 B&O Play 套裝耳機跟?
第三 : 糧尾無錢，講乜都無用，幾錢?
第四 : 幾時正式發售
記者發佈會
街坊有得玩
有關B&O Play 套裝疑問是多餘的，csl 早在 10月14日便貼出呢個消息，上面無論文字，還是圖片，都把答案說出了吧。
雙卡雙待
謎底終於解開，如 V10一樣，V20 為用戶提供雙卡雙待功能 ，今次不只是 2G +4G ，而是 3G +4G 的雙卡雙待，有些國家地區取消了 2G ，最低消費是 3G ，LGv20今次可以補回死位，而且屬於中港日韓制式通用的 4G全頻 (只是不對應中國電信)，外遊時開心加放心。
B&O
只在部分地區推出的 B&O Play 套裝，來到香港會否推出呢? 在發佈會場出現的 LG V20機身背面出現 B&O 標誌，代表香港版有 B&O Play 耳機，未知音質與早前跟 V10 的跟機耳機 Qual Beat 3 ( Tuned By AKG ) 是否能相比呢 ? 其實我手上有很多合我個人口味耳機，自問比她更為適合我，所以……..是否可唔要耳機而扣減$2000呢? 呵呵呵~~ ( 唔好傻啦~~) ^^
售價與發售日期
來到最關心的售價了，定價 $5998，10月28日正式發售，唉…….. 又等，應該即日發售………Sorry應該即場發售啦。即日接受預訂，預訂可額外多得 12 個月保養，連同本來應有的 12個月保養外，合共有24個月保養，雙卡雙待再加24個月保養，水貨你買埋我那一份了。咁多段官方片，我最喜歡看這一條，你覺得呢?