圖 / 文 : 巴斯
先唔好計無論係售價或聲道數量都離地的歐洲 AV AMP ， DENON 在我眼中都是親民價位地上最強 AV AMP。相信大家自上月中開始，就收到 Denon 在日本即將推出 Denon AVR-X6300H 與 AVR-X4300H 兩款新機的消息，當中可見 6300H 是無需額外加 Amp 便能達到 11聲道輸出，比起 7200 掌門更有優勢。在日本 AV Watch 網站報導裡提到這兩部機 10月中在日本推出，但香港不需要等咁耐，即日有售，係呀，係即日呀 2016年10月3日，大家不難在音響店見到現貨，立即可搬返屋企玩。
賣點一
Denon AVR-X6300H 與 AVR-X4300H 一開箱，無需透過任何軟件升級，立即可享有 DTS-X 功能，並能享有cross mix 功能，cross mix 功能也就是 Dolby Atmos 聲軌除可靠自己作 upmixing ，更可利用 DTS upmixing ( DTS- X除外 )。相反，DTS 聲軌除可靠自己的 upmixing ，還可用 Dolby Atmos upmixing， DTS 與 Dolby Atmos 交差升頻對新系列機種來講是零難度。 AURO 3D 方面，如舊能以 PCM ，DTS 或 Dolby Atmos 都能透過 upmixing 達到。不過暫時 AURO 3D 還未可運作，需要耐心等待一下，期票暫時袋住先。
唔好嬲
拿拿拿，我知你想什麼的！舊機用戶不要嬲，如果你是以下三款機型號的用戶，耐心等待，年尾呢三部機都會加入 cross mix 功能，到時透過軟體升級就可以了。三款型號分別為 :
AVR-X7200WA
AVR-X6200W
AVR-X4200W
賣點二 HEOS
DENON 新系列機種 AVR-X6300H 與 AVR-X4300H 兩款新機型號最尾可見 H字，而且機身右上角可見 HEOS 字樣！這是新系列機種重大賣點之一，大家可理解成無線網絡播歌功能。
H字樣代表 HEOS ，也代表新 AVR 系列等同擁有 HEOS 功能。機體有了這功能，配合 HEOS 無線喇叭，用家每個房間內的HEOS喇叭，只需比電源和網絡 ( 有線或 Wifi ) 都可以 ，每個房間一起播同一首歌又得，同時播唔同曲目也無難度。用戶無需裝修家居，只要有網絡有電，即插便能即用，你話開唔開心先? 昔日要靠預先放好喇叭線的什麼 ZONE 1 ， ZONE2，可以忘記佢，我有理由相信大部份用家一次都無用過，但無線 HEOS 系統就不一樣了。
在操作介面作首次設定，今後就靠 app來操作。
HEOS 無線喇叭體積大中細都有，收入房間唔係問題，要 Soundbar 配低音炮都有，隔山買牛購入水貨不難買到，不過要有保障，買行貨的話，就要等等喇。
昔日玩 HEOS 的話，需要另配一部外置專用器材，今日新一代 DENON AVR 系列機種，一一把這技術殖入體內。
而最重要是有關硬件和技術都是由 DENON 開發，聲音質素得到一定保証。
有關 HEOS 應用，唔需要聽我吠了，直接去片會更了解。
VIDEO
國內朋友，請用以下視頻收看
講了大半日，幾錢得架? 得無問題。 AV Watch 內所提供的售價為………
咁即係約幾錢港元呢
香港官方售價如下 ，識人買會唔會再有得平呢 ?
兩款新機又點只兩個賣點呀? 下集再同大家分享。