兩日一夜國內行，上次用過 中港數據快線 數據卡，合晒我三個基本要求 ， 缺一不可 : 第一 : 要在國內唔靠翻牆上到 Facebook 與收發到 G-mail ，當然包括用到 LINE。第二: 要有 WiFi Tetherin 功能，方便透過 Wi-Fi 分享數據給跟身的平版電腦使用。第三: 容量最少要有1.5 GB 或以上數據用量使用。如常去鴨寮街問小商戶，依然舊價買到。有關中港數據快線 數據卡，可重溫舊貼文。按我得到重溫
每張1.5GB數據容量，期限10天，多謝$100港元，貪心的我怕今次不夠用，一口氣買兩張，食用日期去到咁遠，相信無奶油不再來國內了吧， 多買一張作後備也應該。
中港數據快線 數據卡另一個好處，就是期限10天的數據，在國內用唔完，回港後可再用埋佢，愛死這功能。
為發揮雙卡手機優勢，在香港開通後，然後關上，過關後篤一篤，立即用得，一個字~~~型。
出發前看看facebook這裡是否設定好，否則數據被facebook Video 自動播放漏走就慘了。點解咁留意？有次我。。。咳咳有次我朋友中過伏，所以有陰影，拿！我強調係我朋友，唔係我！真係唔係我！真係的！^^
