圖 / 文 : 巴斯
Tiffany Blue 呢隻色對女生來講真係好囉命，ProMini 最新推出的 R10 流動充電器，同時提供三個顏色選擇，當中偏偏就有呢款 Tiffany Blue ，而且她纖薄體積，非常適合放手袋。購入自用白色後，實在忍唔住手要把這個 Tiffany Blue 送給女生。有關 ProMini R10 個人使用篇 ( 可按我進入重溫 )
講價
這日經過深水埗腦場，見某店鋪標正價 $198，多口一問買兩個有無得平，店員很有禮貌，而且帶有親切笑容回答每隻計我 $190 ，我唔係來乞，只係問多句吧，店員服務態度好，一句到尾，夠爽快，分單唔該。店員話單據要開正價，我當然無問題吧。
莫回頭
十分鐘後，見另一家店鋪正在發售這流動充電器，八掛心態進入一看，標售是$188 ~~~噢撈。
兩隻 Tiffany Blue ，一隻靠速遞急送目的地，另一隻見面親手送。
Tiffany Blue 配白線
禮物當然要驗貨是否操作正常，開盒後發見，原來 Tiffany Blue 機身，是配白色充電線，我自用的白色機身，反而配紅色線。
Tiffany Blue 機身配白色充電線，正路又順眼呀，平日見唔少例子吧。ProMini 邊個負責批 R10 選用 Tiffany Blue ，應該升職加人工啦。^0^
廢話少說，打孖上，測驗部機有無事先，萬一送到對方手先知有問題就無仇報了。
