圖 / 文 : 巴斯
2014年初購入的 Fostex-TH900 耳機，近日發現耳棉老化，外觀殘舊當然唔會影響音色，但影響視覺享受，HiFi唔只用來聽，仲要用來睇，係時候更換了。
剛好在 e-earphone 網頁見到有 Fostex-TH900 替換耳棉發售，但找來找去都只有 MK2，而沒有我所用的 MK1，就算去 Fostex 官方網站都只提到 MK2 替換耳棉，而沒有 MK1 替換耳棉資料，我個人智商推算兩者是一樣，但只是推算，唯有照買，博一博， MK2 替換耳棉型號為 EX-EP91，售價 7290円一對。
今日終於等到了，乜一對耳棉………用咁大個盒裝? 耳棉喎~~~兩塊綿炸喎~~~~~咁大個盒? 唔係寄錯下化?
打開一看，真係耳棉，而且見到 Fostex 字樣和耳棉型號還有價錢牌都正確。
啊~~~點解會有其他宣傳品? 又點解搞到咁巢啊~~~
井底蛙的我透過這宣傳品先知道 e-earphone 10月尾在梅田開分店，証明賣耳機幾發達呢，又開分店，利害。不過……..我下一站唔係去大坂啊。 ~~~>.<~~~
強橫的 e-earphone ，今年10月尾又多一家店了~~~~
講返耳棉先，呢個就係替換品包裝了，好緊張，究竟 MK1 與 MK2是否通用的呢?
拆走包裝膠袋後可見，內裡只有一對耳棉和日英雙面圖文說明書，非常適合我呢個唔懂日文的人照著做，內裡有教點拆走舊耳棉和點樣裝上新的上去。
扮聰明的我一早把舊耳棉拆走，原來應該連同白膠圈一起拆出，而我只脫走舊耳棉就算，白膠圈依然留在耳機裡。
白膠圈有T字位，逆時針轉動，便能脫出。
白膠圈脫出了~~~~~
把新的耳棉穿上白膠圈裡。
小學生都懂得完成的穿衣方式，幾秒便完成了。
完成右手邊更換，接下來自然是把左手邊都一起完成。
耳棉替換大功告成，零難度，原來兩代的耳棉真係一樣，舒一口氣。
50mm大口徑生物振膜，雙磁鐵驅動，正是 Fostex TH900 最大賣點之一。
網上找耳棉時，無意中找到這段我錯過了的影片， Fostex TH900以 水目櫻 打做成木質耳罩，由日本一家專門製作木頭漆具的百年老店，採用了Bordeaux手工上漆，Fostex 字樣係用鉑箔燙上。