圖 / 文 : 巴斯
一次無心之失意外，改變我一直扮瀟灑唔用CD膠袋習慣，什麼意外? 自己睇丫。
張惠妹腔 ( 別讓昨天在你傷口狂妄的灑鹽 一碰就痛 一想就悲 愛一遍教人老了好幾十歲 ) 唉………日本版的側紙斷了，痛到入心。
誰的專輯?肥菜囉。
聽首歌遮，個盒壞了影響音色嗎? 當然唔會影響音色，但影響心情，Hi-Fi對我來講，唔只用來聽，仲要用來睇，所以非常不開心。翌日為手上所有 CD 套上膠袋。
明記
這類膠袋相信大家都用唔少，深水埗 明記 雖然平一點，但選擇少，他們沒有雙CD膠袋款式，只有單CD膠袋，而且最低消費 500個，無散買， 收費$57 ，價錢唔貴，除開平過大家熟識的佳華膠袋，但買多了用唔晒，做成浪費。透過圖中紅圈位置所見，正是黃金電腦商場入口，可見與明記鋪位距離不遠。透過這角度可見，明記門外，向紅圈方向步行，正是黃金電腦商場。
無論由黃金電腦商場或港鐵D2出口步向明記，不到一分鐘路程便能到達。
地址 : 九龍深水埗福華街106號地下●電話號碼 2728 2024 ●營業時間 星期一至六： 8:30 – 18:30
佳華膠袋公司
由於用唔到500個咁多，轉去大家最熟識的佳華膠袋，她位置比明記當眼，平時如經過長沙灣政府合處十字路時，不難見到她的存在。價錢方面，雖然比明記貴少少，但勝在款式多，連黑膠唱片膠袋都有，無發燒友唔識佢。而且最低消費 100個 $18 有交易。看看以下這個收費表便一目了然知道有多少選擇。我用唔到 500個咁多，數盡只能用到400個單CD盒款式，其他要用雙CD盒款式。
正如上述題到，平均價以單CD盒款式膠袋計，同樣是 500個 ，明記 $57 ，佳華膠袋 $84，除開每個計，是如圖每個5個仙差價，好像不太大差價，但正所謂小數怕長計，500個屈指一算差價便是 $27 ，雖然明記平，缺點是最低消費 500個。吞得落的話，明記是首選。
佳華膠袋公司地址 :深水埗 欽州街 74A 電話：2361 1069
.
透過這角度可見佳華膠袋公司與黃金電腦商場與麥當勞之距離。
在佳華買200 個用住先。每個包裝100百個。
封口貼紙一撕就開，使用方便又美觀。
套上CD後貼著，重用數次也沒有問題。
深水埗點可能只有上述兩家發售膠袋的專門店鋪呢 ? 沒有介紹是因為其他賣膠袋店舖，雖然同樣有出售CD膠袋，但她們的零售價，比上述兩家高出很多，實在冇需要花時間聽我吠。
